Sekretari amerikan i Shtetit Antony Blinken ndodhet në Ukrainë, në një vizitë të paparalajmëruar, dëshmi e mbështetjes së vazhdueshme të Uashingtonit për Kievin, ndërsa kanë kaluar më shumë se gjashtë muaj nga sulmi i Rusisë ndaj këtij vendi. Blinken njoftoi të enjten 2.6 miliardë dollarë ndihmë për Ukrainën dhe 18 vende të tjera në rajon "më të rrezikuarat nga një agresion rus në të ardhshmen".
Ndihma përfshin 675 milionë dollarë në armatime, municione dhe pajisje shtesë amerikane. Krahas kësaj, zoti Blinken pritet të njohë autoritetet në Kiev me kërkesën që Departamenti i Shtetit i ka bërë Kongresit për miratimin e 2 miliardë dollarëve të tjerë në investime afatgjata, për të forcuar sigurinë e Ukrainës dhe 18 vendeve fqinje të saj.
Vizita Blinken në Kiev i paraprin mbledhjes së Asamblesë së Përgjithshme të OKB-së, ku udhëheqësit botërorë do të takohen për të ripohuar parimet e Kartës së OKB-së për sovranitet dhe integritet territorial.
“Ne jemi të përqendruar tek ndihma që do të mundësojë që Ukraina të dominojë në këtë luftë, në mënyrë që kur të mbërrijmë në ditën për të negociuar një zgjidhje, Ukraina të ndodhet në pozitat më të forta të mundshme”, tha një zyrtar i lartë amerikan.
Sekretari amerikan i Mbrojtjes Lloyd Austin njoftoi gjithashtu të enjten se Shtetet e Bashkuara planifikojnë t'i ofrojnë Ukrainës një ndihmë të re sigurie në vlerën e 675 milionë dollarëve, dy javë pasi Uashingtoni premtoi 3 miliardë dollarë ndihmë sigurie për Kievin. Paketa shtesë do të përfshijë më shumë armë të artilerisë së rëndë Howitzer; sisteme raketash me lëvizshmëri të lartë ose HIMARS; raketa me shpejtësi të lartë të projektuara për të mos u interceptuar nga radarët, granatahedhëse; automjete të blinduara mjekësore; pajisje që mundësojnë shikim natën e të tjera.
Kjo ndihmë do ta çonte totalin e ndihmës ushtarake të ofruar nga administrata Biden për Ukrainën në rreth 15.2 miliardë dollarë . Austin tha se lufta në Ukrainë "ndodhet në një moment tjetër kyç" ndërsa forcat ukrainase po kryejnë një kundërofensivë në jug të vendit. "Aktualisht po shohim suksesin e përpjekjeve tona të përbashkëta në fushën e betejës", shtoi ai./VOA
Lajme të tjera
-
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36
