Sekretari i Jashtëm i Britanisë së Madhe James Cleverly ka zhvilluar një bisedë me kryeministrin Edi Rama, e cila vjen pas qëndrimit të ashpër të këtij të fundit ndaj deklaratave të Sekretares së Brendshme Suella Braverman në lidhje me emigrimin e shqiptarëve në Angli.
Lajmi mbi bisedën u bë i ditur nga media britanike “ The Independent”. Cleverly, duke folur nga një takim i ministrave të jashtëm të G7 në Gjermani, i tha agjencisë së lajmeve PA se ata e kishin diskutuar këtë çështje kur ai foli me kryeministrin Rama gjatë javës.
“Ne folëm për gjërat për të cilat ka folur Sekretarja e Brendshëm, që është një numër shumë i konsiderueshëm i shqiptarëve që rrezikojnë veten e tyre në duart e trafikantëve. Sigurisht që kemi diskutuar situatën dhe bisedat që janë bërë nga të dyja palët. Përfundimi është se unë dhe kryeministri patëm një bisedë shumë të mirë, një bisedë shumë miqësore dhe për shkak se kemi një marrëdhënie shumë të mirë pune, unë dhe ai patëm një bisedë të sinqertë”, është shprehur Cleverly.
Ndërkohë më herët, Downing Street këmbënguli se emigrantët “meritojnë të trajtohen me dhembshuri dhe respekt”.
Rreth 40,000 emigrantë kanë mbërritur në Mbretërinë e Bashkuar pasi kanë kaluar Kanalin deri më tani këtë vit. Por asnjë kalim nuk është regjistruar nga Ministria e Mbrojtjes (MM) gjatë tre ditëve të fundit. Totali i përkohshëm deri më sot për vitin 2022 është 39,913
Sekretarja e Brendshme britanike, Suella Braverman e cilësoi si ‘pushtim’ nga shqiptarët që përshkojnë me varka kanalin e Lamanshit. Ajo shtoi se për këtë problematikë shumë të madhe duhet të gjendej një zgjidhje.
Pikërisht për këto akuza, kryeministri Edi Rama iu përgjigj duke dhënë shifra e duke thënë se shqiptarët në Britaninë e Madhe punojnë shumë dhe paguajnë taksa. Ai kritikoi qëndrimin e Britanisë, sipas së cilit po përdor një retorikë krimi që përfundon duke dënuar të pafajshmit.
Pas deklaratës së Kryeministrit i janë përgjigjur dy zyrtarë të lartë të Britanisë së Madhe të cilët zbutën tonet ndaj qeverisë shqiptare dhe shprehën mirënjohjen e tyre për bashkëpunimin me Shqipërinë. Ministri i klimës në Britaninë e Madhe, u përpoq të riparonte marrëdhëniet teksa shprehu mirënjohjen e qeverisë për Shqipërinë. Po ashtu, një reagim tjetër erdhi edhe nga zëdhënësja e qeverisë britanike e cila theksoi bashkëpunimin e Mbretërisë së Bashkuar me Shqipërinë.
Lajme të tjera
-
Studentët e Universitetit Stanford vizitë në Tiranë, takohen me Ramën
26 Prill, 16:15 -
Rithemelimi kërkoi interpelancë për emisionin në Rai 3, Rama: S’ka urgjencë për autorët e kësaj shfaqje të shëmtuar! Gatuajnë shpifje e ua japin të huajve si akuza
26 Prill, 13:08 -
Emisioni në Rai 3, Rama për 'Corriere': I neveritshëm, paragjykime për Shqipërinë! Ndërhyra për të mbrojtur imazhin e vendit tim
26 Prill, 10:22
-
Mbretëria e Bashkuar nis testimin e vaksinës së parë kundër kancerit të lëkurës
26 Prill, 08:39 -
Expo-Albania, ja si do të jetë kompleksi për organizimin e panaireve, Rama: Xhevahir i koleksionit të arkitektëve bashkëkohorë (VIDEO)
26 Prill, 08:18 -
Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë
25 Prill, 22:29 -
INTERVISTA/ Ilir Meta në ‘Frontline’: Nëse ka urdhër-arresti, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit
25 Prill, 20:54 -
Akuzat e Bardhit për Olsi Ramën, Kryeministri: Kallëzim s’paska bërë thotë SPAK-u, u shiti 'sapunin për djathë' italianëve! S’duhet të jetë burrë, do dalë cullak
25 Prill, 19:07 -
'Emisioni ‘Report’ i Rai 3 na përdori për të sulmuar Melonin' Rama në kryefaqet e mediave italiane: Po hidhet baltë mbi Shqipërinë
25 Prill, 18:50 -
Emisioni i RAI 3, Rama-moderatorit: Telefonatën time e krahasuat me ndërhyrjet e Kremlinit, s’keni guxim të përballeni me të vërtetën
25 Prill, 09:45 -
Mero Baze: Beteja këmbëngulëse e Ramës ndaj një reportazhi të RAI
24 Prill, 21:45
-
Rama: Gjykata Kushtetuese nuk dha vendim për heqjen e mandatit të Xhaçkës, po ta bënte s’do diskutohej
24 Prill, 18:06
