POP 5

Lajmet më të lexuara të 5 minutave të fundit

Kronikë

Sekretari i Përgjithshëm i OKB: Ndërkombëtarët duhet ta mbështesin Ballkanin

Sekretari i Përgjithshëm i OKB mbajti një konferencë shtypi në Nju Jork, ku foli për prioritetet e punës së tij në vitin 2020. I pyetur për Ballkanin ai kërkoi pajtim të palëve dhe afrimin e vendeve me BE.

Sekretari i Përgjithshëm i OKB: Ndërkombëtarët duhet ta mbështesin Ballkanin

Antonio Guterres, Sekretari i Përgjithshëm i OKB, thotë se komuniteti ndërkombëtar duhet të mbështesë Ballkanin. Në një konferencë shtypi mbajtur sot në selinë e OKB në Nju Jork, Guterres tha, se OKB do të jetë kooperativ me vendet e rajonit dhe do t’i mbështesë “për të luftuar ndarjet që ekzistojnë dhe për të ecur në procesin e integrimit europian”.

Sekretari i Përgjithshëm tha, se ndjek me shqetësim zhvillimet në Bosnjë Hercegovinë. “Bosnja dhe Hercegovina ka nevojë për komunitetin ndërkombëtar që të kapërcejë situatën mosfunksionuese politike, e cila nxit ndarjet”. Duke vënë theksin në rëndësinë e “pajtimit të vërtetë”, ai anoncoi vajtjen e tij në Bosnjë, në 25 vjetorin e masakrës së Srebrenicës në mënyrë që “ajo të mos përsëritet kurrë”.

Guterres vlerësoi rëndësinë që ka ngritja e një sistemi global për dënimin e gjenocideve dhe krimeve kundër njerëzimit. “Ne jemi ende larg një sistemi penal global. Por… është e rëndësishme që ne të mbështesim një system të tillë, që krimet kundër njerëzimit dhe gjenocidet të mos mbesin pa u dënuar”.

Sekretari i përgjithshëm shtoi se “duhet të jemi kooperativ me të gjitha vendet e rajonit”,  dhe përshëndeti Borrellin, Përfaqësuesin e lartë të BE për politikën e jashtme, i cili e ka shpallur Ballkanin prioritet të punës së tij. Joseph Borrell do të vijë në Nju Jork në fund të këtij muaji, për here të parë në posti e ri. Mes të tjerash ai pritet të marrë pjesë në një takim të Këshillit të Sigurimit, në të cilin do të diskutohen marrëdhëniet midis OKB dhe Bashkimit Europian./DW/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

DASH e cilëson 'retorikë të papërgjegjshme' kërcënimin e Medvedevit ndaj NATO-s

DASH e cilëson 'retorikë të papërgjegjshme' kërcënimin e Medvedevit ndaj NATO-s

18 Dhjetor, 20:06