POP 5

Lajmet më të lexuara të 5 minutave të fundit

Politikë

Sekretariati i transportit raporton në Kuvend: Transpozim i 40% të legjislacionit të BE! 2 projektet hekurudhore që përfundojnë në 2030

Komisioni për Veprimtaritë Prodhuese, Tregtinë dhe Mjedisin dhe Grupi i Gjelbër në Kuvendin e Shqipërisë, zhvilluan sot një mbledhje të përbashkët, ku i pranishëm ishte edhe Drejtori i Sekretariatit të Komunitetit të Transportit, Matej Zakonjsek, i cili prezantoi raportin vjetor 2023 të sekretariatit, pjesë e të cilit është edhe Shqipëria

Komisioni për Veprimtaritë Prodhuese, Tregtinë dhe Mjedisin dhe Grupi i Gjelbër në Kuvendin e Shqipërisë, zhvilluan sot një mbledhje të përbashkët, ku i pranishëm ishte edhe Drejtori i Sekretariatit të Komunitetit të Transportit, Matej Zakonjsek, i cili prezantoi raportin vjetor 2023 të sekretariatit, pjesë e të cilit është edhe Shqipëria.

Matej Zakonjsek tha se aktualisht në Shqipëri është implementuar 40% e legjislacionit të BE ndërsa vuri theksin te progresi që po bëhet në rrjetin hekurudhor.

“Aktualisht 40% e legjislacionit të BE është e transpozuar, 16% është pjesërisht dhe 71% është ende në proces. Shikojmë që kemi progres në rrjetin hekurudhor me punët që janë duke u vazhduar sidomos në Tiranë-Durrës. Projekti i dytë Vorë-Hani i Hotit, 125 km, tenderi do lancohet në muajt që vijnë, dhe i fundit është Durrës-Rrogozhinë. Kur këto projekte do plotësohen në vitin 2030 Shqipëria do të ketë një rrjet hekurudhor shumë të mirë, i gjithë i rinovuar, dhe këtu mirëmbajtja do jetë elementi kyç”.- tha Matej Zakonjsek.

Kryetari i Komisionit për Veprimtaritë Prodhuese, Tregtinë dhe Mjedisin, Arben Pëllumbi, u shpreh se Shqipëria si anëtare do të vijojë të bashkëpunojë dhe forcojë raportin me Sekretariatin e Komunitetit të Transportit, entitet i cili përbëhet nga 33 vende anëtare, 27 vende të Bashkimit Europian dhe 6 vende të Ballkanit Perëndimor.

Gjithashtu Arben Pëllumbi foli për rëndësinë, arritjet dhe sfidat që kemi në lidhje me transportin në vendin tonë, si dhe detyrat e parlamentarëve në lidhje me këtë proces.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

24 Dhjetor, 19:15