Sekretarja amerikane e Thesarit, Janet Yellen, ka paralajmëruar kompanitë në Kinë kundër eksportimit të produkteve në Rusi, produkte që mund të përdoren në luftën e Moskës kundër Ukrainës.
“Kompanitë, përfshirë edhe ato në Kinë, nuk duhet të ofrojnë mbështetje materiale për luftën e Rusisë dhe ato do të përballen me pasoja të mëdha nëse e bëjnë këtë”, tha ajo në Pekin në fund të vizitës së saj në Kinë.
Sekretarja Yellen tha se të gjitha bankat që transferojnë para për në Rusi në mënyrë që të furnizojnë industrinë ruse të mbrojtjes me mallra për ushtrinë dhe mallra tjera rrezikojnë të jenë cak i sanksioneve të Shteteve të Bashkuara.
Rusia ka nisur pushtimin e paprovokuar të Ukrainsë në vitin 2022. Kina, që nuk e ka dënuar pushtimin rus, ka tentuar të paraqesë veten si një ndërmjetëse të mundshme për paqe, duke u bërë thirrje palëve të arrijnë një marrëveshje dhe duke paraqitur një plan për dhënien fund të luftës. Megjithatë, plani kinez nuk ka marrë shumë mbështetje.
SHBA-ja veçse ka vendosur sanksione ndaj kompanive kineze për çështje që lidhen me Rusinë. Uashingtoni po ashtu ka sanksionuar Kinën për shkak të shkeljeve për të drejtat e njeriut dhe për të ngadalësuar aftësinë e Pekinit për të prodhuar gjysmëpërçues të avancuar që mund ta vendosin në avantazh teknologjik Pekinin.
Yellen qëndroi në Kinë që nga e enjtja e javës së kaluar. Gjatë takimeve të saj me zëvendëskryeministrin kinez, He Lifeng, dhe kryeministrin, Li Qiang, çështja kyçe ishte qasja e Kinës në kapacitete industriale.
Pekini është akuzuar se përdor subvencionet industriale për të mbushur tregjet botërore me mallra të lira, përfshirë produktet e energjisë së ripërtërishme./ REL
Komente
Lajme të tjera
-
Pasojat që do t’i kishte Serbia nga sanksionimi i industrisë së naftës
10 Janar, 13:02 -
OKB: Rritja ekonomike globale për 2025 do të jetë 2.8%
10 Janar, 12:52
-
Vjosa Osmani: Kosova dhe SHBA-të do ta finalizojnë së shpejti Dialogun Strategjik
10 Janar, 11:01 -
Joe Biden miraton fonde federale shtesë për shuarjen e zjarreve në Kaliforni
10 Janar, 10:06 -
Trump shikon një takim të afërt me Putin: Ai dëshiron të takohemi dhe po vendosim
10 Janar, 09:12 -
SHBA/ Gjykata e Lartë refuzon kërkesën e Trump për të ndalur dhënien e dënimit nga një gjykatë në Nju Jork
10 Janar, 08:16 -
SHBA/ Gjykata e Lartë mund të mbyllë TikTok! Dy miliarderët duan të blejnë asetet amerikane të platformës, premtojnë forcimin e privatësisë dhe besimin e përdoruesve
10 Janar, 07:34 -
Zjarret në Kaliforni/ Investitori shqiptar me banim në Beverly Hills: Tension mes qytetarëve dhe shqetësim për përsëritjen e tyre
9 Janar, 21:38 -
Homazhet për Jimmy Carter bëjnë bashkë rivalë dhe ish-aleatë! Trump përkrah Obamës, takon edhe ish-zëvendësin e tij
9 Janar, 18:58 -
Afron afati për ndalimin e rrjetit TikTok në SHBA
9 Janar, 18:40 -
Sekretari i përgjithshëm i NATO-s: Të bindim Trump për marrëveshjen e armëve
9 Janar, 16:38 -
Trump nuk tërhiqet, poston foton e 'New York Post' me hartën ku Kanadaja dhe Groenlanda janë pjesë e Amerikës
9 Janar, 16:20
