POP 5

Lajmet më të lexuara të 5 minutave të fundit

Sociale

‘Sekreti’ që largon stresin! I riu në Kukës e ka zbuluar që 9 vjeç

Nevajet Palinci në fshatin Gorë të Kukësit prej 10 vitesh i është dedikuar sportit të hipizmit. Djaloshi i ri, për Report TV, thotë se pothuajse e gjithë dita i shkon duke u kujdesuar për kuajt, ndërsa shton se që nga momenti i parë kur e provoi nuk i është ndarë kurrë këtij sporti.

Prej 10 vitesh Nevajet Palinci, përveç punëve në fshat, i është përkushtuar hipizmit. Një sport që kërkon vullnet, dëshirë dhe përkujdesje të jashtëzakonshme. 19-vjeçari asnjëherë nuk e humbet mundësinë për të garuar me kuaj, teksa në zonën e Gorës ky sport është mjaft i përhapur.

“Për herë të parë kur kam hipur në kalë kam qenë 9-vjeç 10 maksimumi. E kam qef të vrapoj me kuaj, në zemër, në gjak, që të merrem me kuajt”, tregon ai.

Emri i kalit me të cilin garon quhet Zogi, por megjithatë ai nuk është i vetmi për të cilin kujdeset, pasi kuajt janë pasioni që e shoqëron nga mëngjesi në darkë.

 “Duhet të çohesh në orën 6 të mëngjesit që të kujdesesh për kalin. Ta ushqesh, në drekë në darkë, por edhe pas darke. Me e nxjerr që të pijë ujë dy herë dhe të merresh me të në stërvitje. Kjo punë duhet përsëritur çdo ditë”, na rrëfen.

Në fshatin e Gorës në Kukës Nevajet Palinci nuk është i vetmi që zhvillon pasionin për hipizmit, ndërsa sipas të riut ka një arsye se përse ai është i lidhur kaq shumë pas kuajve.

 “Adrenalinë është kur vapron. Të largon streset e të gjithë të këqijat e tjera. Shkoj në zero sërish”, thotë Nevajet Palinci.

Në Gorë hipizmi është një sport tradicional, që zhvillohet sa herë në fshat ka dasma. Megjithatë nuk është i vetmi, pasi e njëjta gjë ndodh edhe në Novosej, Shishtavec dhe Borje.

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • roja: 30/05/2024 01:57

    MBILL PEME TE LARGOSH STRESIN,,E KENI LENE VENDIN DJERRE...

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Samiti BE-Ballkani Perëndimor, Von der Leyen: Do japim akses në kapitalin financiar me kosto të ulët, Shqipëria dhe Mali i Zi bashkohen vitin tjetër në këtë iniciativë

Samiti BE-Ballkani Perëndimor, Von der Leyen: Do japim akses në kapitalin financiar me kosto të ulët, Shqipëria dhe Mali i Zi bashkohen vitin tjetër në këtë iniciativë

18 Dhjetor, 20:31