Sekuestrimi i 1.5 ton drogë nga Shqipëria në Turqi, reagon Meta: Tregues se hashashi në vend po prodhohet me ritme të larta! Autoritetet të rrisin kontrollet

Sekuestrimi i 1.5 ton drogë nga Shqipëria në Turqi, reagon Meta: Tregues se hashashi në vend po prodhohet me ritme të larta! Autoritetet të rrisin kontrollet

Presidenti Ilir Meta ka reaguar në lidhje me sekuestrimin e 1.5 ton kanabis 3 ditë më parë në Turqi, që vinte nga Shqipëria. Për Metën ky është një lajm shqetësues dhe tregues se ende në vend hashashi prodhohet me ritme të larta. Ai i kërkon autoriteteve të hetojnë deri në fund këtë rast dhe të çojnë në burg personat përgjegjës.

Po ashtu Meta i bën thirrje qeverisë që të forcojë kapacitetet  profesionale dhe bashkëveprimin në terren, për të parandaluar raste të tilla.

"Me mjaft shqetësim kam përcjellë kapjen pranë Izmirit të një sasie rekord droge të nisur në rrugë detare nga Shqipëria. 1,5 ton drogë përbën një nga sasitë më të mëdhaja të trafikuar nga Shqipëria në Turqi në rrugë detare, çka tregon se prodhimi i hashashit, në këtë rast i llojit më të fundit skunk, dhe trafikimi i tij nga grupet e krimit të organizuar, vijon me ritme të larta në vend. I bëj thirrje Qeverisë, institucioneve ligjzbatuese dhe të sigurisë në vend, që të tregojnë vullnetin e duhur politik, si dhe të forcojnë kapacitetet profesionale dhe bashkëveprimin në terren, për të parandaluar raste të tilla, që përbëjnë rekorde të zeza për vendin. Gjithashtu, apeloj për hetimin e plotë dhe të thellë të këtij trafiku kriminal dhe sjelljen përpara drejtësisë të të gjithë atyre që qëndrojnë pas tij. Po kështu, i bëj thirrje Kuvendit të rrisë rolin e tij në mbikëqyrjen e luftës kundër trafikut të drogave dhe krimit të organizuar", shkruan Meta.

Lënda narkotike u kap nga xhandarmëria turke pranë Muglas, ndërsa u arrestuan 3 persona, të cilët ishin të armatosur.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Krokodili: 11/12/2021 11:40

    Po mire mo!! Turqit na sjellin heroine ne i japim kanabis!! Ku qendron problemi ketu?!!

    Përgjigju
  • A. N.: 10/12/2021 10:25

    Mire qe e kuptoi me ne fund edhe Meta qe paskemi rritje.

    Përgjigju
  • Vlora: 10/12/2021 09:51

    Kur nuk reagon Meta i bie qe kane qene ngarkesat e tij.....hahahahaaha ca parodie. Presidenti me kote ne histori merret me lajme ordinere.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet