POP 5

Lajmet më të lexuara të 5 minutave të fundit

Kronikë

Sekuestrimi i 59 kg kokainë në anijen me qymyr në Durrës, po kryhet kontroll me polumbarë në pjesën e poshtme të anijes! Merret në pyetje ekuipazhi, deri tani asnjë në pranga

Dy ditë nga sekuestrimi i 59 kg kokainë në Portin e Durrësit, Policia dhe SPAK nuk kanë ende asnjë autor të dyshuar të këtij trafiku. Për të kontrolluar të gjitha pjesët e anijes me qymyr tashmë të sekuestruar, Report Tv mëson se pjesë e kërkimeve janë bërë edhe polumbarët

DURRËS- Prej 24 orësh, Policia e Shtetit dhe SPAK vijojnë kontrollet intensive në bordin e anijes që erdhi me qymyr nga Ekuadori në Durrës. Fillimisht nën sasitë e qymyrit u gjetën 59 kg kokainë, ndërsa hetuesit dyshojnë se mund të ketë sasi të tjera. Për këtë arsye polumbarët i kanë përqendruar kontrollet në dyshemenë e anijes.

ReportTv mëson se informacionet për praninë e drogës në anije janë përcjellë nga DEA amerikane zyra kundër drogës, ndërsa pritet që brenda ditës së nesërme të ketë edhe një njoftim zyrtar për ecurinë e operacionit.

Prej 16 Majit, kur kanë kaluar 48 orë ende nuk ka asnjë person të arrestuar, anija është sekuestruar, ndërsa stafit të anijes i është ndaluar largimi nga Shqipëria. Burime nga grupi hetimor bënë me dije se pjesa më e madhe e qymyrgurit që ndodhej në bordin e anijes siç dhe shihet në foto, ishte porositur nga një kompani shqiptare që operon në biznesin e kromit.

Kokaina u gjet në hambarin e anijes "Unistream" me flamur të Antigua Barbuda nga Ishujt Karaibe. Ajo ishte e ndarë në 53 pako, në 2 çanta dhe deri më tani bëhet fjalë për 59 kg. Policia bëri kontroll me qen antidrogë, por nuk e pikasën kokainën, për pasojë deri tani është kontrolluar 80% e qymyrit.

Kjo nuk është hera e parë që kapet drogë në Portin e Durrësit. Hera e fundi ishte vetëm pak javë më parë, më konkretisht në 5 prill 1 kg heroinë, teksa ndër sasitë më të mëdha ka qenë ajo në janar ku u kapën 119 kg kokainë të ngarkuara me kamionët me banane.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Viti i Ri/ 16 persona u dëmtuan nga fishekzjarret! Proda inspekton policët në detyrë

Viti i Ri/ 16 persona u dëmtuan nga fishekzjarret! Proda inspekton policët në detyrë

1 Janar, 03:33