Sekuestrimi i pasurive të tre personave në Lushnjë, mes tyre rivali i Aldo Bares, ‘Juli i Pashakos’ dhe një i dënuar për prostitucion në Itali

Mes personave të cilëve u sekuestrua pasuria nga prokuroria e Lushnjës ishte edhe Julian Sula i nuk është një emër i panjohur për drejtësinë. I njohur ndryshe si ‘Juli i Pashakos’ ndaj tij ishte marrë edhe më parë vendimi i sekuestros në 2019-tën kur kur 42 vjeçari u hetua si i dyshuari kryesor për vrasjen e Besnik Hidos në 1 tetor.

Julian Sula njihet dhe si rival i Aldo Bares, pasi është një nga personat e shoqëruar si të dyshuar për masakrën e Lushnjës të ndodhur në 2018-tën, ku mbetën të vrarë dy persona, miq të nipit të Bares, por u la i lirë për mungesë provash. Ndërsa më 11 qershor 2016, Julian Sulos iu bë atentat pas ndeshjes Shqipëri-Zvicër në një pikë bastesh nga Arjan Aliço, anëtar i bandës së Aldo Bares, i njohur si “Arti i Braçes”. 

Ndërkohë Fatmir Abdurramani ëhstë dënuar më parë në Itali për veprën penale të prostitucionit. Dyshohet se të gjithë pasurinë e tij e ka ngritur nëpërmjet veprimtarisë kriminale në Itali.

Lajmi kryesor:

‘Makina luksoze, mijëra euro dhe banesa’, Prokuroria e Lushnjës konfiskon pasuritë e ‘Julit të Pashakos’ dhe dy personave të tjerë! Janë siguruar nga veprimtari kriminale

B.V/Shqiptarja.com

TAG:
• Julian Sula
• Juli i Pashakos
• Fatmir Abdurramani