POP 5

Lajmet më të lexuara të 5 minutave të fundit

Kronikë

Sekuestro 2.4 ton kokainë në 52
vende, 10 shqiptarë në pranga 

Europol ka përfunduar operacionin e "Ciconia Alba", i cili zgjati 6 ditë nga data 10 deri në 16 tetor dhe u shtri në 52 vende, përfshirë edhe Shqipërinë.Në përfundim të operacionit u arrestuan 314 persona, të cilët përpos drogës kalonin ilegalisht edhe emigrantë dhe trafikonin qenie njerëzore. Burime të ReportTv bëjnë me dije se në total në kuadër të këtij operacioni janë ndaluar 10 shqiptarë të përfshirë në aktivitetin e paligjshëm të narkotrafikut dhe trafikimit të qenieve njerëzore.  VIDEO
Europol ka përfunduar operacionin e "Ciconia Alba", i cili zgjati 6 ditë nga data 10 deri në 16 tetor dhe u shtri në 52 vende, përfshirë edhe Shqipërinë.
 
Operacioni u drejtua nga EuroGJUST, Frontex dhe Interpol, ndërsa u sekuestruan 2.4 ton kokainë.
 
Në përfundim të operacionit u arrestuan 314 persona, të cilët përpos drogës kalonin ilegalisht edhe emigrantë dhe trafikonin qenie njerëzore.
 
Sipas Europol janë kontrolluar 115 868 makina dhe 425 555 persona, janë hetuar 449 raste, 529 persona janë shpëtuar nga trafikimi nga banda, ndërsa janë sekuestruar 181550 Euro.
 
 Në fokus të Europol gjatë kryerjes së këtyre operacioneve kanë qenë qendrat e qyteteve kryesore të 52 shteteve, aeroporte, portet si dhe stacionet e trenave.
 
Policia Shqiptare ka qenë pjesë e këtij operacioni me agjent të antidrogës dhe antitrafikut të cilët kanë kryer në terren ndërhyrje aktive duke ndaluar persona të dyshuar.
 
Agjentët shqiptarë kanë bashkëpunuar ngushtësisht me oficerët gjermanë në këtë operacion dhe sipas policisë shqiptare ata kanë udhëtuar dhe drejt Gjermanisë ku kanë kryer verifikime në terren dhe kanë ndihmuar me informacione konkrete që kanë çuar në zbulimin e grupeve kriminale.
 
Burime të ReportTv bëjnë me dije se në total në kuadër të këtij operacioni janë ndaluar 10 shtetas shqiptarë të përfshirë në aktivitetin e paligjshëm të narkotrafikut dhe trafikimit të qenieve njerëzore.
 
Operacioni komandohej nga një qendër koordinuese operacionale që ishte instaluar në selinë e Europolit në Hagë.
 
Drejtori i Europolit Rob Wainwright deklaroi se reagimi ishte i shpejtë në koordinim me të gjitha vendet në shkatërrimin e rrjetit të trafikut.
 
Përpos vendeve të BE operacioni është shtrirë në Shqipëri, Australi, Brazil, Kanada, Kolumbi, Ekuador, Maqedoni, Islandë,Indonezi, Hong Kong, Malajzi, Meksikë, Zelandë e Re, Nigeri, Norvegji, Panama, Katar, Filipine, Serbi, Singapor, Zvicër, Tajlandë, Emiratet e Bashkuara Arabe, Shtetet e Bashkuara.
bilanci europol
bilanci europol


dy.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55