Policia e Shtetit vazhdon sekuestrimin e lëndëve nakotike. Ditën e sotme ka sekuestrua 105 kg kanabis sativa dhe ka vënë në pranga 2 persona. 

Berat

Policia ka asgjësuar 994 rrënjë kanabis sativa dhe ka sekuestruar 95 kg lëndë narkotike marijuanë fshatit Osmënzezë, Berat. Kultivuesi i këtyre bimëve është shpallur në kërkim nga policia. Ai është A.GJ, 19 vjeç banues në Lushnje.

Shpallja në kërkim ndaj këtij personiu bë pasi dyshohet të jëtë autori i kultivimit të 994 bimë narkotike kanabis sativa, të cilat janë gjetur dhe asgjësuar nga forcat e policisë në pyllin e fshatit Osmënzezë, Berat.

Gjithashtu gjatë kontrollit të ushtruar në një çadër të iprovizuar me plasmas, u gjetën 95 kg lëndë narkotike marijuanë dhe një armë trofe (Belçik), të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat, për veprat penale “Prodhimi dhe shitja e lëndëve narkotike”, “Mbajtje pa leje e armëve luftarake dhe municionit” dhe “Kultivimi i bimëve narkotike”.

Durrës

Policia ka arrestuar 2 persona dhe ka shpallur në kërkim një tjëtër pasi iu janë gjetur 10 kg lëndë narkotike e llojit kanabis sativa. Të arrestuarit janë Arif Koçi 19 vjeç, Bledar Rryçi 22 vjeç, të dy banues në Thumanë,Krujë. Arrestimi i tyre u bë pasi gjatë kontrollit të ushtruar në mjetin tip Audi me targa AA 675 JT, me drejtues Bledar Rryçi, iu gjetën dhe i’u sekuestruan në cilësinë e provës material rreth 10 kg lëndë narkotike e dyshuar e llojit kanabis sativa, 1 peshore elektronike dhe2 telefona celularë.

Gjithashtu, u bë shpallja në kërkim dhe po punohet për kapjen e shtetasit L.S. 27 vjeç, banues në Mamurras.

Materialet i kaluan Prokurorisë  së Rrethit Gjyqësor Durrës për veprime të mëtejshme për veprën penale”Prodhimi dhe shitja e narkotikëve”

Redaksia Online
XH.K/shqiptarja.com