DURRËS- 34 vjeçari, Paulin Deda kishte ardhur nga Miloti në Durrës për të shitur 2 mina me telekomandë kundrejt 6 mijë eurove, por ky plan i dështoi. Atij iu vunë pranga nga policia sot pasdite në lagjen nr.13, Plazh në Durrës në vendin e quajtur "Terminali i autobusëve" teksa po tentonte që t'i shiste këto mina. Policia kishte rënë në gjurmët e të arrestuarit Paulin Deda, 34-vjeçar prej disa kohësh dhe kështu kishin mundur që të infiltrojnë një person për të blerë mina. Në momentin që agjenti kishte porositur minat dhe kishte lënë një vend takimi, uniformat blu të Durrësit i kanë vënë prangat 34-vjeçarit.
"Shërbimet e Komisariatit të Policisë Durrës, në koordinim me strukturat hetimore të DVP Durrës, në bazë të informacioneve të siguruara në rrugë operative se një shtetas po tentonte të shiste mina me telekomandë, kanë organizuar punën dhe kanë finalizuar me sukses operacionin policor të koduar "Terminali" Shërbimet e Policisë e kanë ndaluar këtë shtetas në lagjen nr.13, Plazh, Durrës, në vendin e quajtur "Terminali i autobuzëve", dhe gjatë kontrollit fizik i gjetën dhe sekuestruan në cilësinë e provës materiale 2 mina me telekomandë të cilat ky shtetas do t'i shiste kundrejt shumës 6000 euro", thuhet ndër te tjera në njoftim.
Report Tv mëson se në pranga ka rënë 34 vjeçari, Paulin Deda banues në Milot. Deda është një emër i njohur për drejtësisë shqiptare, pasi ka qenë i dënuar më parë për veprën penale "Prodhim dhe shitja e narkotikëve". Ndërkohë, vijon puna për identifikimin e personave të tjerë të përfshirë në këtë veprimtari kriminale.
Njoftmi i plotë i policisë
Vijojnë goditjet e njëpasnjëshme ndaj veprimtarisë kriminale të prodhimit dhe shitjes së minave me telekomandë, duke parandaluar ngjarje të mundshme kriminale. Finalizohet operacioni policor i koduar "Terminali", i zhvilluar nga shërbimet e Komisariatit të Policisë Durrës.
Sekuestrohen 2 mina me telekomandë të cilat do shiteshin kundrejt çmimit 6000 euro. Arrestohet në flagrancë poseduesi i tyre, me precedent të mëparshëm kriminal në fushën e narkotikëve. Shërbimet e Komisariatit të Policisë Durrës, në koordinim me strukturat hetimore të DVP Durrës, në bazë të informacioneve të siguruara në rrugë operative se një shtetas po tentonte të shiste mina me telekomandë, kanë organizuar punën dhe kanë finalizuar me sukses operacionin policor të koduar "Terminali".
Në kuadër të këtij operacioni u arrestua në flagrancë shtetasi Paulin Deda, 34 vjeç, banues në Milot, Kurbin, i dënuar më parë për veprën penale "Prodhim dhe shitja e narkotikëve". Shërbimet e Policisë e kanë ndaluar këtë shtetas në lagjen nr.13, Plazh, Durrës, në vendin e quajtur "Terminali i autobuzëve", dhe gjatë kontrollit fizik i gjetën dhe sekuestruan në cilësinë e provës materiale 2 mina me telekomandë të cilat ky shtetas do t'i shiste kundrejt shumës 6000 euro. Në bashkëpunim me Prokurorinë e Rrethit Gjyqësor Durrës, vijon puna për identifikimin e personave të tjerë të përfshirë në këtë veprimtari kriminale. Materialet i kaluan Prokurorisë së Rrethit Gjyqësor Durrës, për veprime të mëtejshme.
Report Tv ka zbardhur detaje nga arrestimi i Paulin Dedës, i cil u kap sot në tentativë për të shitur 2 mina me telekomandë. Mësohet se ai ka rënë në kurthin e Policisë, pasi një nga efektivët ishte i infiltruar. Ai ishte hequr si blerësi i këtyre minave. Në momentin që agjenti kishte porositur minat dhe kishte lënë një vend takimi, uniformat blu të Durrësit i kanë vënë prangat 34-vjeçarit.
Komente
Lajme të tjera
-
Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
25 Dhjetor, 07:51 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
-
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Itali/ Hiqej si rumun, shqiptari i arratisur kapet duke udhëtuar me tren, i kishin mbetur për të vuajtur 18 muaj burg për drogë! Nervozizmi e tradhtoi
20 Dhjetor, 15:51
I lumtë policisë që ka arritur të evitojë ndonjë vrasje, kushedi ndaj kujt. Kuzhdo qoftë, do ishte një humbje jete ose përhapje paniku dhe terrori në interes të kushedi kujt. Por mos flini! Njerëz, si i siguroi minat ky, a ka të jtera? Duhet direkt të izolohen të tillë njerëz dhe rrjeti kriminal që kanë ndërtuar, poshtërsi që akoma nuk është zbuluar vrasja e gjyqtarit Konomi me ndonjë të tillë minë. Megjithatë unë do falenderoja punën e policisë, se nuk thuhet gjë në media kur ka rezultate.
PërgjigjuAq sa hetuan vellain e Alketa Vejsiut qe u kap me 3 dhe jo 2 mina. As 1 vit burg nuk beri. Mbase ka dhe ky ndonje moter si Alketw qe ta kete dobesi Kryeministri.