VLORË- Prokuroria e Vlorës ka vendosur sekuestro mbi pasuritë e familjes Canaj, me vlerë rreth 4 milionë euro. Në njoftim bëhet e ditur se po hetohet 91-vjeçari Pelivan Canaj dhe i biri Fatos Canaj, të dyshuar për veprat penale “falsifikim i dokumenteve” dhe “pastrim parash”.

Bazuar në këto dyshime, prokuroria vendosi të bllokoje 12 prona; si troje, njësi shërbimi dhe apartamente. 9 prej pronave janë në emër të djalit të tij Fatos Canaj, ndërsa 2 apartamente në emër të shoqërisë “Faed” sh.p.k po ashtu në pronësi të Fatos Canajt dhe vëllait të tij Erion Canaj.

Burimet hetimore bëjnë me dije me dyqanet dhe apartamentet e sekuestruara gjenden ne pallatet qe ka ndërtuar biznesmeni Fatos Cani, në Lungomare dhe rrugën e Portit. 

“Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Vlorë u sekuestruan pasuritë e shtetasit P.C. dhe të familjarëve të tij nën hetim për dy vepra penale ‘Falsifikimi i dokumenteve’ dhe ‘Pastrimit të produkteve të veprës penale ose veprimtarisë kriminale’ të parashikuara nga nenet 186 dhe 287 të Kodit Penal.

Hetimet e zhvilluara mbi procedimin penal nr.25 të vitit 2023 çuan në sekuestrimin e pasurive të luajtshme dhe të paluajtshme të këtij shtetasi prona, ndërtesa, biznese dhe truall, të cilat shkojnë në vlerën rreth 4 milionë euro”, njofton Prokuroria e Vlorës.

Theksojmë se sekuestrimi është i përkohshëm, derisa Gjykata e Vlorës të shprehet me vendim të formës së prerë për konfiskim të këtyre pasurive.  

LISTA E PASURIVE TË SEKUESTRUARA
‘Truall’ me sipërfaqe 1600 m2, me adresë në Vlorë në emër të Pelivan Canajt
‘Bodrum’, me sipërfaqe 841.75 m2, me adresë në Vlorë në emër të Fatos Canajt
‘Njësi’, me sipërfaqe 112.82 m2, me adresë në Vlorë në emër të Fatos Canajt
‘Njësi’, me sipërfaqe 36.14 m2, me adresë në Vlorë në emër të Fatos Canajt
‘Njësi’ me sipërfaqe 59.5 m2, me adresë në Vlorë në emër të Fatos Canajt
‘Njësi’, me sipërfaqe 47.27 m2, me adresë në Vlorë në emër të Fatos Canajt
‘Njësi’, me sipërfaqe 97.42 m2, me adresë në Vlorë në emër të Fatos Canajt
‘Apartament’, me sipërfaqe 72.36 m2, me adresë në Vlorë në emër të shoqërisë “Faed” sh.p.k
‘Apartament’, me sipërfaqe 89.90 m2, me adresë në Vlorë në emër të shoqërisë “Faed” sh.p.k
‘Njësi’, me sipërfaqe 324.17 m2, me adresë në Vlorë në emër të Fatos Canajt
‘Njësi’, me sipërfaqe 318.16 m2, me adresë në Vlorë në emër të Fatos Canajt
‘Ndërtesë’, me sipërfaqe 115 m2, me adresë në Vlorë në emër të Fatos Canajt

 

Klikoni linkun për dokumentin e plotë