FOTO Ekskluzive/ Sekuestrohen në Durrës 123 mijë pound cash në një furgon që vinte nga Anglia! Sillte pako nga emigrantët shqiptarë në Britani për në Shqipëri! Arrestohet 21-vjeçari

Report Tv ka siguruar fotot të 21-vjeçarit Olsi Sefollit, shoferi i furgonit që vinte nga Anglia, ku u sekuestruan më shumë se 123 mijë paund. 21-vjeçari u banues në Hamallaj, u vu në pranga pasi akuzohet për veprat penale 'Pastrimi i produkteve të veprës penale ose veprimtarisë kriminale",dhe "Mosdeklarimi në kufi i të hollave dhe sendeve me vlerë”. Burime për Report Tv bëjnë me dije se shoferi i furgonit, Olsi Sefolli ka deklaruar në polici se nuk kishte dijeni për paratë. 

Policia e Durrësit ka dhënë një njoftim zyrtar për mediat në lidhje me sekuestrimin e 123 mijë paundëve në furgonin që vinte nga Anglia.

Policia njofton se ka arrestuar 21-vjeçarin, banues në Hamallaj, shtetasin Olsi Sefolli, nën akuzë për  'Pastrimi i produkteve të veprës penale ose veprimtarisë kriminale",dhe "Mosdeklarimi në kufi i të hollave dhe sendeve me vlerë”

Policia njofton se gjatë kontrollit, në pjesën e prapakolpit të furgonit janë gjetur dhe sekuestruar në cilësinë e provave materiale 12 pako me para.

Nga këqyrjet e kryera nga grupi hetimor, nën drejtimin e Prokurorisë së Rrethit Gjyqësor Durrës, rezultoi se në pakot e sekuestruara në cilësinë e provës materiale kishte 123.460 paund dhe 280 stërlina.

'Bashkëpunimi i shkëlqyer mes strukturave të Policisë së Shtetit dhe autoriteteve doganore çoi në sekuestrimin e një shume të madhe parash të padeklaruara në kufi. 

Strukturat e Policisë së Shtetit, në bashkëpunim me strukturat doganore parandalojnë dhe godasin në hyrje të Portit të Durrësit, një rast të mosdeklarimit të një shume të madhe parash në paund.

Sekuestorn 123.460 paund dhe 280 stërlina.

Vihet në pranga drejtuesi i furgonit ku u gjetën të fshehura pakot me paund e stërlina. 

Shërbimet e Policisë Kufitare, në bashkëpunim me autoritetet doganore dhe seksionin për hetimin e krimit ekonomik e financiar në DVP Durrës, në zbatim të masave për parandalimin dhe goditjen e paligjshmërisë, kanë intensifikuar kontrollet si në dalje, ashtu edhe në hyrje, në portin e Durrësit. 

Si rezultat i kontrolleve të shtuara, bazuar në analizën e riskut të bërë nga ana e shërbimeve të Policisë dhe atyre doganore, në hyrje, është kaluar në vijën e dytë, për kontroll më të imtësishëm, një furgon mallrash që vinte nga Anglia, me drejtues shtetasin O. S., 21 vjeç, banues në Hamallë. 

Gjatë kontrollit, në pjesën e prapakolpit të furgonit janë gjetur dhe sekuestruar në cilësinë e provave materiale 12 pako me para. 

Nga këqyrjet e kryera nga grupi hetimor, nën drejtimin e Prokurorisë së Rrethit Gjyqësor Durrës, rezultoi se në pakot e sekuestruara në cilësinë e provës materiale kishte 123.460 paund dhe 280 stërlina. 

Në përfundim të veprimeve të para hetimore, specialistët për Hetimin e Krimit Ekonomik e Financiar në DVP Durrës bënë arrestimin në flagrancë të shtetasit O. S., për veprat penale" Pastrimi i produkteve të veprës penale ose veprimtarisë kriminale",  "Mosdeklarimi në kufi i të hollave dhe sendeve me vlerë” dhe " Kontrabanda me mallra të tjerë dhe materialet në ngarkim të tij i kaluan Prokurorisë së Rrethit Gjyqësor Durrës.

Ndërkohë, nga strukturat hetimore të DVP Durrës, në bashkëpunim me Prokurorinë, vijon puna për identifikimin dhe kapjen e personave të implikuar në këtë vepër penale.'- njofton policia.

Këto janë 'paundët cash' e sekuestruara ditën e sotme në Portin e Durrësit, brenda një furgoni i cili sillte pako të ndryshme nga emigrantët shqiptarë në Angli në vendin tonë.

Megjithëse fillimisht u raportua se u sekuestruan 1 mln paund, pas numërimit ka rezultuar se shumë e paund cash të gjetura në furgon ishte 123 mijë paund.

Pamje nga furgoni ku janë sekuestruar paund

Report Tv mëson se fugoni ka ardhur për herë të tretë në Shqipëri. Kompania funksiononte për transportin e mallrave Angli- Shqipëri, si postë private. Shoferi mblidhte nga qytete të ndryshme të Anglisë pako dhe i sjell në Shqipëri. Aktualisht paratë ende nuk janë numëruar të gjitha.