Sëmundje e re e rrugëve të frymëmarrjes, Koreja e Veriut mbyll kryeqytetin Phenian, bllokim pesë-ditor për qytetarët

 Sëmundje e re e rrugëve të frymëmarrjes, Koreja e Veriut mbyll kryeqytetin Phenian, bllokim pesë-ditor për qytetarët

Kim Jong-un

Autoritetet në kryeqytetin e Koresë së Veriut, kanë urdhëruar një bllokim pesë-ditor për shkak të rasteve në rritje të një sëmundjeje të paspecifikuar të frymëmarrjes.

Njoftimi nuk përmendte Covid-19, por thoshte se banorëve në qytet u kërkohej të qëndronin në shtëpitë e tyre deri në fund të së dielës dhe t'i nënshtroheshin kontrolleve të temperaturës.

Të martën, mediat vendase raportuan se banorët e Phenianit po blinin më shumë mallra dhe dyqanet po zbraseshin për shkak të frikës së një bllokimi më të madh se pesë ditë. Është e paqartë nëse zona të tjera të Koresë së Veriut kishin vendosur bllokime të reja.

Mediat e huaja i frikësohen deklarimit të rasteve pozitive me “sëmundjen e re” ende të paverifikuar dhe të paemërtuar, sepse Koreja e Veriut as kur ishte e “infektuar” me Covid-19 nuk ka deklaruar rastet e sakta, të paktën sipas mediave. The Guardian thotë se regjimi sekret nuk konfirmoi kurrë se sa njerëz u kapën me Covid, me sa duket sepse i mungojnë mjetet për të kryer testime të përhapura.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Spahiu: Partia Demokratike duhet të garojë pa koalicion nëse ndjehet e fortë, njësoj si PS e vetme

Spahiu: Partia Demokratike duhet të garojë pa koalicion nëse ndjehet e fortë, njësoj si PS e vetme