Senati miraton ligjin për të shmangur grevën e punonjësve të hekurudhave

Senati miraton ligjin për të shmangur grevën e punonjësve të hekurudhave

Senati ndërmori një veprim të shpejt për të shmangur një grevë të punonjësve të hekurudhave që administrata Biden dhe udhëheqësit e biznesit thonë se do të dëmtonte shumë ekonominë.

Senati miratoi një ligj të enjten që e bënë ligjërisht të zbatueshme një marrëveshje mes kompanive hekurudhore dhe drejtuesve të sindikatave në shtator. Kjo marrëveshje ishte refuzuar prej disa nga 12 sindikatat e përfshira, duke krijuar mundësinë e një greve. Ligji u miratua nga Senati me 80 vota pro dhe 15 kundër. Votimi në Senat ndodhi një ditë pasi Dhoma e Përfaqësuesve e kishte miratuar marrëveshjen e shtatorit. Ligji tani pritet të nënshkruhet nga Presidenti Joe Biden.

“Komunitetet do të kenë qasje në ujë të pijshëm të pastër. Fermerët dhe blegtorët do të vazhdojnë të jenë në gjendje të dërgojnë ushqim në treg dhe të ushqejnë bagëtinë e tyre. Dhe qindra mijëra amerikanë në një numër industrish do të mbajnë vendet e tyre të punës”, tha Presidenti Biden pas miratimit të ligjit në Senat. Presidenit Biden tha se do ta nënshkruante ligjin.

Demokratët dhe disa republikanë kanë shprehur indinjatën për mungesën e lejes së paguar për arsye mjekësore për punonjësit e hekurudhave.

Një grevë hekurudhore do të paralizonte pothuajse 30% të transportit të mallrave, do të nxiste inflacionin tashmë në rritje dhe do t'i kushtonte ekonomisë amerikane deri në 2 miliardë dollarë në ditë, si edhe do të bllokonte miliona pasagjerë.

Kompanitë hekurudhore dhe Dhoma e Tregtisë e SHBA-së kundërshton ndryshimin e marrëveshjes për kontratën që u arrit në shtator kryesisht në bazë të rekomandimeve të një bordi të caktuar nga zoti Biden.

Biden vlerësoi të hënën kontratën e propozuar që përfshin një rritje të pagave prej 24% gjatë pesë viteve dhe pesë pagesa vjetore prej 1,000 dollarësh, dhe i kishte kërkuar Kongresit ta vinte në efekt marrëveshjen pa asnjë modifikim.

Marrëveshja tentative nuk parashikon leje mjekësore afatshkurtër, pasi sindikatat kërkuan 15 ditë dhe kompanitë hekurudhore ofruan një ditë./VOA

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Dosja e zyrtarit të FBI, kush ka të drejtë në akuzat politike në Tiranë?



×

Lajmi i fundit

Aguero i përgjigjet ashpër Ibrahimovic-it:  Pse flet për sjellje të keqe? Për këtë të larguan nga Barça

Aguero i përgjigjet ashpër Ibrahimovic-it:  Pse flet për sjellje të keqe? Për këtë të larguan nga Barça