POP 5

Lajmet më të lexuara të 5 minutave të fundit

Arkiva

Sequi: BE pret që Shqipëria
të plotësojë 12 prioritetet

Deklarata është bërë sot nga ambasadori i Delegacionit të BE-së në Tiranë, gjatë ceremonisë së nënshkrimit të marrëveshjes Shqipëri-BE për projekte në infrastrukturë dhe në fushën e të drejtave të njeriut. "Ne presim përmirësim të funksionimit të parlamentit, zbatimin e rekomandimeve të OSBE/ODIHR-it, sundimi i ligjit të mos vonohet, lufta kundër korrupsionit dhe krimit të organizuar, të drejtat e pronësisë, shqiptarët të zotërojnë të drejta të barabarta, të respektohen të drejtat e paraburgosuve" (ne foto momenti i nenshkrimit te marreveshjes)
Sequi: BE pret që Shqipëria<br />të plotësojë 12 prioritetet
TIRANE- "Bashkimi Europian pret nga Shqipëria që të plotësojë 12 prioritetet për marrjen e statusit të vendit kandidat". Deklarata është bërë sot nga ambasadori i Delegacionit të BE-së në Tiranë, Ettore Sequi, gjatë ceremonisë së nënshkrimit të marrëveshjes Shqipëri-BE për projekte në infrastrukturë dhe në fushën e të drejtave të njeriut. ( ne foto momenti i nenshkrimit te marreveshjes)

"Ne presim që Shqipëria të përmirësojë funksionimin e parlamentit, zbatimin e rekomandimeve të OSBE/ODIHR-it, legjislacionit të nevojshëm që kërkon përfshirjen e shumicës së cilësuar në parlament, sundimi i ligjit të mos vonohet, lufta kundër korrupsionit dhe krimit të organizuar, të drejtat e pronësisë, shqiptarët të zotërojnë të drejta të barabarta, të respektohen të drejtat e paraburgosuve, pra presim që 12 prioritetet e KE-së të vihen në zbatim” ka theksuar Sequi.

Sipas ambasadorit Sequi marrëveshja e nënshkruar sot me ministrinë e Integrimit është vetëm një nga hallkat e zinxhirit të premtimeve të Bashkimit Europain dhe shtoi se të gjithë aktorët në Shqipëri duhet të marrin përgjegjësitë dhe detyrat e tyre për zbatimin e këtyre projekteve.
Në këtë kontekst, theksoi ai "pritshmëritë tona për rezultatet e kësaj ndihme nuk janë modeste".

“Këto, shtoi Sequi, janë çështjet prioritare që Shqipëria duhet të adresojë për të marrë statusin e vendit kandidat dhe që ajo duhet të adresojë për të siguruar përmbushjen e aspiratave demokratike dhe europiane të shqiptarëve".
Sipas marrëveshjes së nënshkruar, gjatë dy viteve të ardhshme, qeveria shqiptare do të mund të përfitojë nga një total prej 82 milion eurosh ndihmë nga BE në mbështetje të përpjekjeve për përmirësime në fusha strategjike.
Më konkretisht, financimi do të shkojë për mbikalimin e Vlorës, rrjetin e rrugëve rurale dhe konkurrueshmërinë e fermerëve, për njësinë e trajtimit të ujit në Velipojë, përfshirjen sociale të komuniteteve rom dhe egjiptian, drejtësinë dhe arsimin profesional.

Ambasadori Sequi theksoi se marrëveshja mes Shqipërisë dhe Komisionit Europian nuk është formalitet por një shenjë e angazhimit të të dyja palëve në mënyrë që Shqipëria të ecë përpara drejt integrimit europian. “Nënshkrimi i marrëveshjes është një moment përgjegjësi i Bashkimit Europian për të mbajtur premtime përsa i përket asistencës financiare por edhe edhe të Shqipërisë për të siguruar që asistenca financiare të përkthehet në zhvillim, rritje ekonimike për qytetarët shqiptarë” .
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Rusia konfirmon sulmet ndaj xhihadistëve në Siri

Rusia konfirmon sulmet ndaj xhihadistëve në Siri

30 Nëntor, 20:37