POP 5

Lajmet më të lexuara të 5 minutave të fundit

Arkiva

Sequi: Të zbardhet 21 janari
shqiptarët  presin drejtësi

Ambasadori i BE-së deklaron se po ndjek nga afër zhvillimet e ngjarjeve.“Është e rëndësishme që ky hetim të jetë gjithpërfshirës, i pavarur e pa ndërhyrje politike dhe gjyqësori të bëjë punën e vet, që të jepet drejtësi". Deklarata e ambasadorit Sequi u bë në një prononcim të shkurtër për gazetarët gjatë takimit me komitetin drejtues EURALIUS që u zhvillua sot paradite në Tiranë.
BE:Reformë në drejtësi, të gjithë të barabartë para ligjit
Gjykata: Provat janë të dobëta PDF- Ja vendimi
Prokuroria: Do apelojmë masen e sigurise
Sequi: Të zbardhet 21 janari<br />shqiptarët  presin drejtësi
TIRANE- Ambasadori i BE-së deklaron se po ndjek nga afër zhvillimet e ngjarjeve dhe përsërit apelin se është tepër e rëndësishme për të hedhur dritë mbi ngjarjet e 21 janarit. “Shqiptarët presin të vendoset drejtësia”- tha Sequi duke shtuar se “Është e rëndësishme që ky hetim të jetë hetim gjithpërfshirës, i pavarur e pa ndërhyrje politike.. dhe gjyqësori të bëjë punën e vet, në mënyrë që të jepet drejtësi.”

Deklarata e ambasadorit Sequi u bë në një prononcim të shkurtër për gazetarët gjatë takimit me komitetin drejtues EURALIUS që u zhvillua sot paradite në Tiranë.

“Në përgjithësi nuk bëjmë komente për hetimet. Kemi ndjekur me vëmendje konferencën e kryeprokures, ambasadorit e SHBA, zëdhënëses së kryeministrit dhe deklaratën e opozitë për ngjarjen e 21 janarit. Dhe natyrisht po ndjekim nga afër zhvillimin e ngjarjeve. “ tha Sequi i cili përsëriti qëndrimin e mbajtur në deklaratën e përbashkët të tre ambasadorëve të publikuar pak ditë më parë në lidhje me ngjarjet e 21 janarit.
“Në deklaratën e përbashkët kemi thënë se është e nevojshme të zbardhen plotësisht ngjarjet e 21 janarit. Është e rëndësishme që ky hetim të jetë hetim gjithpërfshirës, i pavarur e pa ndërhyrje politike. Është tepër e rëndësishme të hidhet dritë mbi ngjarjet e 21 janarit. Shqiptarët presin që të vendoset drejtësia. Presim që hetimi të vazhdojë nëpërmjet zyrës së prokurorisë dhe ne mbështesim dhe kemi besim në këtë institucion. Besojmë se dhe gjyqësori do ta bëjë punën e vet, në mënyrë që të jepet drejtësi.”

“Dua të theksoj diçka që është shumë e rëndësishme. Sundimin e ligjit. i cili nuk është vetëm një element që do të arrijë të ecet drejt BE por është ajo çka besoj presin shqiptarët. dhe takimi i sotmë ka të bëjë me sigurimin e sundimit të ligjit dhe shtetit të së drejtës”- tha ambasadori i BE-së duke iu referuar projektit të EURALIUS.
Ambasadori nuk komentoi nëse duhet hequr apo jo imuniteti i tre deputetëve, duke thënë se nuk futej në cështje specifike por shtoi se qëndrimi i ndërkombëtarëve është përsëritur më parë se zyrtarët e lartë duhet të jenë pa imunitet.
(sg/shqiptarja.com)

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58