SERBI- Presidenti i Serbisë, Aleksandër Vuçiç, në një takim me bashkëpunëtorët e tij më të afërt në selinë e partisë i ka njoftuar se do të largohet nga posti i presidentit, njoftoi Kryetari i Bordit Ekzekutiv të PPS -së, Darko Glishiç, raportojnë mediat serbe.
Raportohet se gjatë takimi të anëtarëve të partisë së Vuçiç ka pasur mosmarrëveshje dhe thirrje për të refuzuar negociatat me SHBA-në dhe BE-në, të cilët të premten zhvilluan bisedime lidhur me planin franko-gjerman për zgjidhjen dhe normalizimin e marrëdhënieve ndërmjet Serbisë dhe Beogradit.
Sipas raportimeve, presidenti Vuçiç iu përgjigj këtyre mosmarrëveshjeve dhe tha se nëse dikush mendon se mund ta udhëheqë vendin më mirë se ai, ai është i gatshëm t'ua lërë atyre dhe pastaj të largohet nga takimi.
“Nëse ai jep dorëheqjen dhe qëndron pas saj, mendoj se është gjëja më e keqe që mund t’i ndodhë Serbisë”, ka thënë Glishiç.
Ditën e sotme, në orën 11:00 do të zhvillohet mbledhja e qeverisë serbe, ndërsa me ftesë të kryeministres Ana Bërnabiç, në mbledhje do të marrë pjesë edhe presidenti serb, Aleksandar Vuçiç, i cili do të informojë kryeministren Ana Bërnabiç dhe ministrat për bisedimet për Kosovën dhe takimin me 5 diplomatët e BE-së dhe SHBA-së.
Kryeministrja serbe gjatë ditës së djeshme i doli në mbrojtje presidentit të Serbisë në lidhje me presionet që po i vinin për Kosovën
“Nuk do të fshehim asgjë. Politika e presidentit Vuçiç është të flasim hapur plotësisht dhe në mënyrë transparente me njerëzit tanë dhe të themi se çfarë është situata dhe çfarë është në tavolinë,” – tha Bërnabiç duke lënë të hapur edhe mundësinë e një referendumi për çështjen e Kosovës.
Po ashtu, Presidenti i Serbisë, Aleksandar Vuçiç do t’i drejtohet publikut me një fjalim mbrëmjen e sotme në orën 20:00.
Të dërguarit amerikanë dhe evropianë thanë pas vizitave në Prishtinë dhe në Beograd presin intensifikimin e përpjekjeve për të siguruar një marrëveshjeje normalizimi ndërmjet Kosovës dhe Serbisë. Ata thanë se një propozim evropian që u bë i njohur si plani franko-gjermane për normalizimin e marrëdhënieve ndërmjet të dyja palëve është rruga më e mirë për një paqe të qëndrueshme. Në Beograd i dërguari evropian Miroslav Lajçak u shpreh i inkurajuar pas bisedimeve me presidentin serb Aleksandar Vuçiç.
Ministri serb i Mbrojtjes, Millosh Vuçeviç, i serb i ka dalë në mbrojtje presidentit Aleksandër Vuçiç dhe se do t’i ofrojë mbështetje pa pa rezervë, për t’i qëndruar presionit dhe sulmeve të vazhdueshme në lidhje me Kosovën.
Vuçeviç, në një postim në Instagram tha se Vuçiç është vazhdimisht shënjestër të atyre që i quajti: “tradhtarëve për shkak të luftës së tij për ta përmirësuar vendin.”
“Sot nuk është e lehtë të luftosh për Serbinë, të luftosh për përparimin e saj dhe të përfshihesh në politikë. Aleksandër Vuçiç, pikërisht pse punon për të mirën e vendit të tij, është vazhdimisht në shënjestër të tradhtarëve, mercenarëve dhe të gjithë atyre që i vënë interesat e tyre përpara atyre të shtetit. Presidenti i Serbisë e ka mbështetjen time të parezervë për të qëndruar ndaj presioneve dhe sulmeve të vazhdueshme që po vijnë edhe shkaku i çështjes më të rëndësishme serbe – Kosovës,” – shkruan Vuçeviç.
Komente
Lajme të tjera
-
Votimi pro anëtarësimit të Kosovës, 'tërbohet' Daçiç: Ditë e turpshme në Asamblenë Parlamentare të Këshillit të Evropës
16 Prill, 22:39 -
Asambleja voton pro anëtarësimit të Kosovës në KiE, Rama: Hap historik dhe i drejtë, i dha çka i takonte! Basha: Ditë e madhe për shqiptarët
16 Prill, 21:09 -
Asambleja parlamentare e Këshillit të Evropës voton për anëtarësimin e Kosovës në KiE
16 Prill, 18:23 -
Presidentja Osmani shpall të mërkurën ditë zie në Kosovë pas vrasjes së dy grave
16 Prill, 16:01 -
Irani sulmoi Izraelin, eksperti zbërthen skemën: Dolën të kënaqur të dyja! Shqetësim mbetet koalicioni i vendeve anti-perëndimore
16 Prill, 15:45 -
Dafina Zeqiri reagon për vrasjen në Pejë, komentuesi: E ke radhën ti!
16 Prill, 15:30 -
Deputeti i PDK-së: BE obligim që të anëtarësojë Kosovën në Këshillin e Europës, do ishte një mësim për Serbinë
16 Prill, 13:48 -
Vuçiçi takohet me Lajçakun: Çdo herë e më pak hapësirë për zgjidhjen e çështjeve të hapura përmes dialogut
16 Prill, 13:03 -
Arton Zekaj zgjedh Kosovën, mediat serbe 'shpërthejnë' ndaj 23-vjeçarit të lindur në Suboticë
16 Prill, 12:01 -
Në grua vritet në Pejë, arrestohet bashkëshorti
16 Prill, 09:15 -
Ditë historike për Kosovën, Asambleja e Këshillit të Europës voton sot për anëtarësimin! Hidhen poshtë propozimet serbe
16 Prill, 08:01 -
Prokuroria e fton për intervistim ministren Hajdari nën dyshimin për keqpërdorim të detyrës
15 Prill, 18:19
Nese Vucici largohet nga posti i tijë atëher Edvin shkjau shqipfolës do të arrestohet mbrenda 24 orësh…!
Përgjigju