Serbia e para në Ballkan që mer vaksinën e Pfizer dhe Biontech

Gati 5,000 doza të vaksinave të koronavirusit Pfizer dhe BioNTech u transportuan të martën në Serbi, vendi i parë në Ballkan që mori një vaksinë kundër  COVID-19.

Ditën e sotme Serbia  ka marrë dozat e para të vaksinës  kundër COVID-19 të zhvilluar nga Pfizer dhe BioNTech, deklaroi qeveria ditën e sotme.

Pamjet e TV Shtetëror treguan një aeroplan duke shkarkuar kontejnerë me 4875 doza vaksinash. Vaksinat më vonë u dërguan në Institutin e Virologjisë dhe Vaksinave të njohur si "Torlak", në Beograd.

"Imunizimi, ka shumë të ngjarë, të fillojë javën e ardhshme," u tha gazetarëve Mirsad Djerlek, sekretari i shtetit në ministrinë e shëndetësisë para ndërtesës së Institutit "Torlak".

Zyrtarët qeveritarë kanë thënë se grupi i parë i vaksinave do të shpërndahet në shtëpitë e kujdesit për të moshuarit.

"Ne presim që të marrim edhe 21,000 doza të vaksinës Pfizer (dhe BioNTech) në janar," tha ai.

Djerlek tha se autoritetet ishin gjithashtu në negociata për të importuar vaksinën ruse Sputnik V dhe një vaksinë kineze, por ai nuk dha më shumë detaje.

Vendi është vendi i parë në Ballkanin Perëndimor që ka marrë vaksinën e zhvilluar nga Pfizer dhe BioNTech, tha qeveria.

Agjencia serbe e ilaçeve miratoi në 18 dhjetor përdorimin e vaksinës në vend, shtoi qeveria.

Serbia të hënën raportoi 3,685 infeksione të koronavirusit në 24 orët e fundit dhe 47 vdekje. Që nga fillimi i pandemisë rreth 300,000 njerëz në vend, duke përfshirë më shumë se 3,000 infermierë dhe mjekë, janë infektuar dhe 2,733 kanë vdekur.

TAG:
• serbia
• Vaksina Covid