Droni që futi flamurin me hartën e “Shqipërisë së madhe” në stadiumin Partizani të Beogradit është në duart e policisë. Sipas gazetës serbe “Kurir” që citon burime jozyrtare, droni është gjetur në qytetin e Pançevës, ndërsa tifozi serb që e kishte marrë ndodhet në ambientet e policisë ku po merret në pyetje. 

“Kurir” thekson se shumë shpejt do të ketë hollësi të tjera për këtë ngjarje.
 
Ministri i Brendshëm serb Nebojsha Stefanovic, ka dekluar se droni do t’i nënshtrohet ekzaminimeve nëse është ai që u përdor në ndeshje, ndërsa më pas raporti do t’i përvillet prokurorisë.
 
Personi i cili u fotografua duke tërhequr dronin mendohet se është pjesë e grupit të tifozëve të drejtuar nga Ivan Bogdanoviç ultrasi serb i cili dogji flamurin shqiptar në ndeshjen Itali- Serbi në tetor të 2010-ës.
 
tifozi serb merr dronin

Flamuri u valëvit në stadiumin e Beogradit në ndeshjen Serbi-Shqipëri mbrëmjen e 14 tetorit 2014 dhe përbri hartës së Shqipërisë etnike ishin dy heronjtë tanë kobmëtare Ismail Qemali dhe Isa Boletini.

flamuri me dron ne serbi

Redaksia Online
(Shqiptarja.com)