POP 5

Lajmet më të lexuara të 5 minutave të fundit

Arkiva

Serbia merr kryesinë e radhës të OSBE-së

BEOGRAD, 1 janar /ATSH-TANJUG/ – Serbia merr sot kryesinë e radhës të Organizatës për Siguri dhe Bashkëpunim në Evropë (OSBE). Këtë kryesi e mbajti Zvicra për gjashtë muajt e kaluar. Zëvendëskryeministri serb, njëkohësisht ministër i Jashtëm i vendit, Ivica Daçiç deklaroi gjatë marrjes së kësaj kryesie se Ballkani Perëndimor, bashkëpunimi rajonal dhe procesi i paqes […]
 /ATSH-TANJUG/ - Serbia merr sot kryesinë e radhës të Organizatës për Siguri dhe Bashkëpunim në Evropë (OSBE).
Këtë kryesi e mbajti Zvicra për gjashtë muajt e kaluar.

Zëvendëskryeministri serb, njëkohësisht ministër i Jashtëm i vendit, Ivica Daçiç deklaroi gjatë marrjes së kësaj kryesie se Ballkani Perëndimor, bashkëpunimi rajonal dhe procesi i paqes në Ukrainë do të ishin prioritetet e kryesimit të radhës të OSBE-së nga ana e Serbisë.
"Mendoj se rajoni është në rrugën e duhur dhe pres që kryesimi ynë të sigurojë nxitje shtesë për bashkëpunimin rajonal", deklaroi Daçiç në ceremoninë e organizuar për përfundimin e kryesimit të OSBE-së nga Zvicra dhe marrjen e tij nga Serbia.

"Serbia, si vend kandidat për anëtarësimin në Bashkimin Evropian, është sinqerisht e vendosur të përmirësojë bashkëpunimin me fqinjët dhe vendet e rajonit", theksoi ai.
Kryesimi i OSBE-së nga Serbia do të jetë i rëndësishëm për shkak të krizës në Ukrainë, që sipas Daçiçit përbën një nga krizat më të rënda që nga mbarimi i Luftës së Ftohtë.
"OSBE-ja reagoi menjëherë ndaj kësaj krize, në rrethana jashtëzakonisht komplekse politikem dhe dërgoi një mision vëzhgimi në Ukrainë, çka demonstroi eficencën e organizatës dhe theksoi domethënien e saj globale", deklaroi Daçiç.

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54