POP 5

Lajmet më të lexuara të 5 minutave të fundit

Sport

Seria A mban frymën në sprintin final! Milan, Juventus ose Napoli mbetet jashtë Champions League

Tre skuadra me emër në Seria A, Milan, Juventus dhe Napoli luajnë sonte në javën e fundit të kampionatit për dy vende të lira në Champions Ligën e sezonit të ardhshëm. Më të vështirë pritet ta ketë Milani i Piolit që kalendari i rezervon përballjen me Atalantën e vendit të dytë.

Seria A do të luajë sonte aktin e fundit të këtij sezoni që padiskutim rezervon emocione të mëdha edhe në vijën e finishit. Kjo pasi tre skuadra Milan, Napoli dhe Juventus do të luftojnë për dy vende që të çojnë në Champions League sezonin e ardhshëm. Deri më tani të sigurtë e kanë Interi kampion dhe Atalanta e vendit të dytë, që ka 3 pikë më shumë se Juventusi i vendit të dytë, por ka avantazhin e ndeshjeve direkte me ‘zonjën e vjetër’.

Sakaq në dorën e tyre për t’u kualifikuar e kanë Milani i vendit të tretë, por edhe Napoli i vendit të katërt. Gjithsesi llogaritë për ‘djajtë’ e Stefano Piolit komplikohen kur sheh se java e 38 i përball me Atalanta-n, një kundërshtar që dy sezonet e fundit ka qenë më lart se Milani. Në prag të takimit trajneri i kuqezinjve Stefano Pioli ka deklaruar se kjo është sfida ku duhet të tregohet se ‘skuadra e tij është rritur’.

Milan ishte kampioni i dimrit në Seria A, por faza e dytë e sezonit i ka komplikuar gjërat, ndërsa vetëm në javën e parafundit hodhën në erë mundësinë për ta siguruar objektivin kur barazuan 0-0 me Cagliari-n. Gjithsesi tifozët i kanë kërkuar një sforco të fundit dhe për këtë i kanë mbështetur edhe në qendrën stërvitore me prezencën e tyre.

Më e lehtë duket situata për Napolin, që në stadiumin ‘Diego Armando Maradona’ pret Verona-n, një skuadër që s’ka asnjë pretendim në ndeshjen e fundit. Ndërkohë për të shpresuar Juventusi mbi të gjitha duhet të fitojë transfertën kundër Bologna-s. Në këtë rast skuadra e Pirlos duhet të shpresojë te një humbje ose barazim i Milanit dhe Napolit.

Barazimi me Bologna-n në asnjë rast nuk bën që Juventusi të shkojë në Champions League pasi edhe nëse shkon me pikë të barabarta me Napolin, skuadra e drejtuar nga Gatusso ka avantazhin e golavarazhit. Të trija sfidat do të luhen sonte në orën 20:45.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kryemadhi mesazh Metës pak orë para mbledhjes: Çdo përjashtim është mbyllje e partisë

Kryemadhi mesazh Metës pak orë para mbledhjes: Çdo përjashtim është mbyllje e partisë

19 Prill, 16:56