Më shumë se 1000 koreanoveriorë janë vrarë apo plagosur në luftën e Rusisë në Ukrainë, ka thënë sot (23 Dhjetor) Koreja e Jugut, ndryshe nga Kievi, që shifrën e ka çuar në 3000.
Pheniani i ka angazhuar mijëra trupa ushtarake si përforcim për ushtrinë ruse, përfshirë në rajonin kufitar Kursk, kur forcat ushtarake ukrainase kanë zaptuar territor më herët gjatë vitit.
Shtabi i Përgjithshëm i ushtrisë së Koresë së Jugut, ka thënë përmes një deklarate se vlerëson që në luftime e kanë pësuar rreth 1.100 viktima, duke cituar “burime të ndryshme të informacionit dhe inteligjencës”.
Zelensky ka paralajmëruar ditë më parë se shifra e ushtarëve koreanoveriorë të vrarë është e lartë, dhe ka paralajmëruar kundër dërgimit të trupave shtesë.
Seuli ka thënë se ka informacione që Koreja e Veriut është duke “prodhuar dhe dhuruar dronë vetëshkatërrues” Rusisë, duke i ndihmuar edhe më tepër në luftën kundër Ukrainës.
Gjetjet e fundit janë në linjë me një raport të Shërbimit Kombëtar të Inteligjencës së Seulit, sipas së cilit, Rusia, në këmbim të gjithë ndihmës, mund t’i ofrojë Koresë së Veriut “modernizim të armëve konvencionale”.
Lufta në Ukrainë ka nisur më 24 shkurt të vitit 2022. Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre. /REL/
Lajme të tjera
-
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Dronët godasin ndërtesa të larta në Kazan të Rusisë
21 Dhjetor, 21:07 -
Ukraina godet me dronë në thellësi të territorit rus
21 Dhjetor, 15:40 -
Dëmtimi i Ambasadës së Shqipërisë në Ukrainë, SHBA dënon sulmin me raketa të Rusisë
21 Dhjetor, 09:40 -
Sulmi ndaj ambasadës shqiptare në Kiev, Majko zbulon mesazhin e koduar rus për Shqipërinë: Ata nuk bëjnë asgjë gabimisht
20 Dhjetor, 19:20 -
Kryeministri i Sllovakisë kërcënon Zelenskyn: Na lësho gazin rus ose do kemi konflikt serioz
20 Dhjetor, 18:30 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Sulmet me raketa ruse dëmtojnë ambasadën shqiptare në Kiev! Reagon Tirana: Brutale! Hasani thërret ambasadorin rus, i shpreh protestën e qeverisë shqiptare (VIDEO+FOTO)
20 Dhjetor, 14:50
