"Severino", modeli italian që
huazon PD- PS, kush rrezikon 

TIRANE- Ligji italian, i njohur si ligji “Severino”, prej emrit të ish-ministres të Drejtësisë së Italisë në qeverinë e Lettës, Paola Severino, nëse do të miratohet nga Kuvendi, do të ketë efekte edhe mbi aktualitetin politik shqiptar. Drafti i është propozuar komisionit të posaçëm parlamentar nga Partia Demokratike dhe pritet të shqyrtohet muajin e ardhshëm, me rinisjen e sesionit të ri politik.

Ky ligj, që tashmë ka dhënë efektet e para në politikën italiane edhe pse s’ka më shumë se 2 vite që është miratuar, sipas propozuesve do të japë efekte të menjëhershme edhe në sistemin politik shqiptar.