POP 5

Lajmet më të lexuara të 5 minutave të fundit

Bota

Sezoni i pushimeve në Francë rrit përhapjen e variantit Eris, versionit të ri të COVID-19

Një variant i ri i virusit që shkakton Covid-19, i njohur si Eris, mund të lidhet me më shumë se një të tretën e rasteve të reja në Francë.

Sezoni i pushimeve në Francë rrit përhapjen e variantit Eris, versionit të ri të COVID-19

Një variant i ri i virusit që shkakton Covid-19, i njohur si Eris, mund të lidhet me më shumë se një të tretën e rasteve të reja në Francë. 

Organizata Botërore e Shëndetësisë e ka cilësuar llojin si një variant me interes, por thotë se rreziku për shëndetin publik është i ulët.

Numri më i madh i rasteve është raportuar nga rajoni Nouvelle Aquitaine, ku kanë rezultuar pozitiv 789 raste në testet PCR të kryera për periudhën 31 korrik deri në 6 gusht.

Më tej thuhet se 730 raste pozitive janë shënuar në Occitanie, 689 në le-de-France në të cilën përfshihet dhe kryeqyteti Paris si dhe 638 raste në rajonin Provence-Alpes-Cote d'Azur, raportojnë mediat e huaja.

Mendohet se grumbullimet e njerëzve në aktivitete sociale siç janë festivalet dhe aktivitetet e tjera mund të kenë nxitur shpejtësinë e përhapjes së virusit Eris.

Organizata Botërore e Shëndetësisë (OBSH) më 9 gusht publikoi një raport lidhur me variantin Eris, në të cilën thuhej se ka patur rritje të qëndrueshme në përhapjen e variantit të ri, i cili më parë ishte një "variant nën vëzhgim" dhe se më pas statusi ndryshoi duke u kthyer në "variant që duhet të ndiqet". Që nga 7 gushti u ndanë mbi 7 mijë mostra nga 51 vende.

Bazuar në provat aktuale, rreziku i shëndetit publik që përbën Eris u vlerësua si "i ulët në nivel global", i ngjashëm me rrezikun e varianteve të tjera ekzistuese të COVID-19.

Gjithashtu u theksua se Eris në varësi të karakteristikave të tij mund të përhapet globalisht dhe mund të shkaktojë rritje të rasteve.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça