Sezoni veror shton pasagjerët nga aeroporti i Kukësit! Në 3 muaj kanë hyrë 9100 shtetas, kanë dalë rreth 6 mijë

Çmimet ekonomike, procedurat e shpejta dhe qetësia e aeroportit Zayed në Kukës, ka bërë që shumë shtetas të huaj dhe emigrantë të zgjedhin këtë portë për të hyrë në Shqipëri.

“Përdor shpesh këtë aeroport. Është shumë i mirë. Ia vlen, ka qetësi.

Kemi ardhur nga Austria. Aeroporti është shumë mirë”, thanë turistët.

LEXO EDHE:
Zgjedhjet presidenciale në Maqedoninë e Veriut, kandidatja e VMRO-së kryeson bindshëm, ku renditen shqiptarët

Sezoni i verës ka shtuar fluksin e emigrantëve nga Kosova dhe Maqedonia e Veriut në Aeroportin Ndërkombëtar të Kukësit, që shfrytëzojnë këtë trafik ajror për të kaluar pushimet në vendet e tyre. Ata shprehen se çmimet janë më të favorshme se në aeroportin e Prishtinës dhe Shkupit.

"Unë vij nga Komuna e Dragashit të Kosovës. Po pres të vij kunati nga Vjena e Austrisë. Aeroporti i Kukësit është shumë i mirë, e kemi shumë afër. Është më i lirë dhe më shpejt se aeroporti i Prishtinës apo Shkupit. Pjesa më e madhe e diasporës tonë kanë zgjedhur këtë vit të udhëtojnë nga ky aeroport", shprehet një shtetas kosovarë.

Nga muaji maj deri tani nga aeroporti ‘Zayed Flatrat e Veriut’ kanë hyrë rreth 9100 shtetas, dhe kanë dalë rreth 6 mijë pasagjer. Ky aeroport, operon me 12 fluturime në javë për destinacionet si Vjena, Bazel, Karlsruhe, Memmingen dhe Zyrih.

A.M./Sh.Sh/Shqiptarja.com

TAG:
• Aeroporti i kukesit
• kosova
• Maqedonia e Veriut
• Kukes
• aeroporti zayed