POP 5

Lajmet më të lexuara të 5 minutave të fundit

Politikë

Sfidat e sigurisë kombëtare, Peleshi konsultim me gjeneralët! Më 4 mars inaugurohet baza e NATO-s në Kuçovë

Ministria e Mbrojtjes bëri një konsultim me gjeneralët e ushtarakë më grada madhore për sfidat e reja të sigurisë kombëtare. Ministri Niko Peleshi ndau projektet ushtarake dhe tha se në 4 mars inaugurohet me një demonstrim ushtarak Baza e NATO-s në Kuçovë. Gjeneralët kërkojnë kthimin e shërbimit të detyrueshëm ushtarak.

Sfidat e sigurisë kombëtare paralelizuar me situatën e konflikteve në rajon dhe botë, u diskutuan nga Ministri i mbrojtjes me gjeneralë dhe ushtarakë me grada madhore. Tashmë Shqipëria ka një edhe strategji të re të mbrojtjes kombëtare e miratuar këtë të enjte në parlament për të cilën Gjeneral major Jeronim Bazo thotë....

Ministri Niko Peleshi ka ndarë me ekspertët e fushës projektet më kryesore të mbrojtjes. Parashikohet që baza e Kuçovës të inaugurohet në 4 mars me një ceremoni demonstrimi ku do të jenë edhe disa shtete të aleancës së NATO.

“Në 4 mars hapet baza e Kuçovë, do të ketë një demonstrim shumë të rëndësishëm.  Do të ketë edhe shtete të tjera që marrin pjesë në këtë demonstrim. Do ti japë rëndësinë që i takon kësaj baze më të rëndësishme të NATO në Ballkan.

Porti ushtarak, po lobojmë në NATO për ta ndërtuar këtë port ushtarak si port hyrës në NATO me modelin e Kuçovës, të investuar nga NATO dhe buxheti ynë”, tha Peleshi.

Ushtarakët rezervistë dhe drejtues të shoqatave propozojnë që të kthehet shërbimi i detyrueshëm ushtarak

“Të vihet shërbimi i detyrueshëm ushtarak. Nuk mbrohet një vend me ndihmë e të tjerëve. Ka 30 vjet që bëhet propagandë e keq kundër fortifikimit dhe shërbimi rezervist. Në vitin 2000 në Shkodër ne gjetëm 30% të shërbimit të detyrueshëm se të tjerët ishin në Angli. Po ashtu edhe për fortifikimet”, tha Gjeneralmajor Kristaq Karoli.

Për 2024 buxheti i mbrojtjes është në nivelin 2% të PBB, sipas kërkesave të NATO-s duke e rritur 22% krahasuar me 2023. Fokusi është forcimi Mbrojtjes Kundërajrore, së shpejti do të fillojë flota e dronëve BAYRAKTAR, konsolidimi i Flotës së helikopterëve Balck Haëk, avancimi inovativ dhe teknologjik. Shqipëria është e angazhuar në 8 misione ndërkombëtare të NATO, BE dhe OKB, ku janë angazhuar 172 personel ushtarak. Ndërsa vitin tjetër Shqipëria do të shtojë praninë e saj në KFOR, Bosnje-Hercegovinë dhe po vlerësohen angazhime te tjera shtesë në NATO dhe BE.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • miri: 08/02/2024 15:28

    ka ndonje adrese ku te denoncohet krimin kibernetik ne kuader te sigurise

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Nënshtetësia e Kryepeshkopit të Kishës Ortodokse, Meta: E zgjidha në interes të dy vendeve! Është përdorur si një sajesë politike

Nënshtetësia e Kryepeshkopit të Kishës Ortodokse, Meta: E zgjidha në interes të dy vendeve! Është përdorur si një sajesë politike

27 Prill, 13:54