TIRANE- Petraq Milo dhe Partia Demokratike vijojnë të sfidojnë ligjin. Anëtari i Këshillit Mbikëqyrës të Bankës së Shqipërisë Petraq Milo është zyrtarisht një nga kandidatët zyrtarë për drejtimin e departamentit të financave në Partinë Demokratike, duke u futur në garë për një nga postet më të larta në PD.

Konkretisht, Milo është futur në garë për të drejtuar një nga departamentet që do të drejtojë hartimin e politikave financiare në Partinë Demokratike, pra do të ngrejë platformën për reforma fiskale, të cilat PD-ja do t’i përdorte në zgjedhjet e ardhshme parlamentare.