POP 5

Lajmet më të lexuara të 5 minutave të fundit

Kosova & Rajoni

Shaip Kamberi në Kuvendin e Serbisë: Pozita dhe opozita në Beograd akuzojnë njëra-tjetrën për bashkëpunim me Kurtin

Deputeti shqiptar në Parlamentin e Serbisë, Shaip Kamberi, ka thënë se kaosi në seancën e konstituimit të Kuvendit të Serbisë u karakterizua me akuzat e ndërsjella mes pozitës dhe opozitës se kush është bashkëpunëtor i Kurtit

Shaip Kamberi në Kuvendin e Serbisë: Pozita dhe opozita në Beograd akuzojnë njëra-tjetrën për bashkëpunim me Kurtin

Shaip Kamberi

Deputeti shqiptar në Parlamentin e Serbisë, Shaip Kamberi, ka thënë se kaosi në seancën e konstituimit të Kuvendit të Serbisë u karakterizua me akuzat e ndërsjella mes pozitës dhe opozitës se kush është bashkëpunëtor i Kurtit.

Përmes një postimi në Facebook, Kamberi ka shkruar se nën fishkëllimat e opozitës ka dështuar përfundimi i seancës konstituive në Serbi.

“Teatër absurdi në parlamentin e Serbisë. Nën fishkëllimat e opozitës dështon përfundimi i seancës konstituive në Serbi. Përveç verifikimit të mandateve nuk është arritur që të zgjedhet kreu i parlamentit, sepse opozita me protestat përmes fishkëllimave nuk ka lejuar vazhdimin e seancës. Nuk dihet kur do të jetë vazhdimi. Gjithë kjo tollovi u karakterizua me akuzat e ndërsjella pozitë-opozitë se kush është ‘bashkëpunëtorë i Kurtit’. Sidoqoftë, bashkë me Ahmedinin dhe Selmën nga SDA do të vazhdojmë angazhimin tonë në një mjedis politik parlamentarë të kontaminuar”, shkroi ai.

Deputetët e opozitës në Kuvendin e Serbisë sot ishin para foltores me pankarta ku shkruhej “I keni vjedhur zgjedhjet” dhe “Hajdutë kthejini mandatet”. Lista e opozitës 'Serbia kundër dhunës' pretendon se zgjedhjet e dhjetorit ishin të parregullta, gjë që pozita e refuzon.

Për shkak të akuzave për vjedhje zgjedhore, deputetët e koalicionit 'Serbia kundër dhunës' e kanë bërë betimin në korridorin e Kuvendit dhe jo në sallë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Operacion antidrogë në Tiranë, goditet grupi që trafikonte kokainë e kanabis! 30 urdhërarreste, ekzekutohen 25

Operacion antidrogë në Tiranë, goditet grupi që trafikonte kokainë e kanabis! 30 urdhërarreste, ekzekutohen 25

2 Maj, 08:04 nga Sokol Dema