Shakohoxha reagon pas zgjedhjeve të trukura të FSHF-së: Do vazhdoj betejën ligjore, besoj që votimi i sotëm nuk do legjitimohet

Kandidati për president të FSHF-së, Dritan Shakohoxha, ka reaguar pas Asamblesë së trukuar zgjedhore ku Armand Duka u zgjodh për herë të gjashtë në krye të FSHF-së.

Në një reagim Shakohoxha shprehet se ai do e vijojë betejën e tij ligjore.

“Siç e kam deklaruar edhe dje unë do të vazhdoj betejën ligjore. Besoj shume që votimi i sotëm nuk do të legjitimohet.

FSHF ka përdorur politikën e faktit të kryer e cila mund t'i duket me vlerë sot, por ditët ne vijim do e shohim të gjithë që do jetë e pa vlerë. Gjykatat kanë folur dhe do flasin përsëri besoj pasi duke ruajtur të njëjtin standard si në 2 rastet e mëparshme. Në fund drejtësia do vendoset dhe futbolli do flasë me votat e anëtareve të familjes tonë”, shprehet Dritan Shakohoxha

Lajmi kryesor:

FSHF zgjedhje kundër gjykatës, në një proces të manipuluar Armand Duka merr mandatin e 6-të! Lihen jashtë delegatët e Shoqatës së Tiranës

B.K./Shqiptarja.com

TAG:
• Armand Duka
• skandali ne fshf
• fshf
• asambleja e përgjithshme e FSHF