Shalosh Trio emocionon me ‘sytë
e një femre’ në festivalin e Jazz-it

“Ehhh sytë e një femre ... Kush i pa dhe nuk u dashurua qoftë edhe një herë pas tyre?” Këto janë disa nga vargjet e poezive me të cilat performoi muzikë xhaz grupi izraelit “Shalosh Trio” në ditën e parë të festivalit të xhazit në Shqipëri. Grupi SHALOSH ka argëtuar publikun në ambientet e Ressortit Stela në Tiranë në natën e parë të festivalit.
 
Kjo muzikë e veçantë është një trio e bazuar në stilet moderne të xhazit dhe në traditën njujorkeze dhe izraelite. Grupi Shalosh është i njohur në botë për kompozime origjinale dhe performanca që shpesh kthehen në hite të xhazit. Me këtë lloj muzike vitin e kaluar SHALOSH trio ka zhvilluar një turne të suksesshëm nëpër Europë.
 
Anëtarët e grupit Shalosh që kanë performuar mbrëmë në natën e parë të janë Gadi Stern  në piano; Daniel Benhorin në kontrabas; Matan Assayag në perkursion
 
Edicioni i pestë i Festivalit Ndërkombëtar Jazz in Albania do të shfaqet deri më 22 korrik.Grupe muzikore të ardhura nga Austria, Turqia, Holanda, Zvicra, e Shqipëria, etj do të jenë pjesë e edicionit të pestë të Festivalit Ndërkombëtar Xhaz Albania në ditën në vijim.

















Redaksia Online
Al.N/Shqiptarja.com