POP 5

Lajmet më të lexuara të 5 minutave të fundit

Politikë

SHBA 5 muaj pa ambasador në Shqipëri, skadon afati për Kavalec, Senati i kthen Trumpit kandidaturën

Senati amerikan ka bllokuar kandidaturën e Kathleen Ann Kavalec për pozicionin e Ambasadores së SHBA-së në Shqipëri. Nominimi i Kathleen Ann Kavalec për pozicionin e Ambasadores amerikane në Shqipëri i është rikthyer Trump. Pritet që Trump të zgjedhë të rinominojë Kavalec, ose të ndryshojë emrin e përzgjedhur për Ambasadën e SHBA në Tiranë. Në shtator të 2018 u largua nga Shqipëria ambasadori Donald Lu pasi i mbaroi mandati, ndërsa u emërua në Kirgistan dhe prej atëherë Uashingtoni nuk ka ambasador në Tiranë.

SHBA 5 muaj pa ambasador në Shqipëri, skadon afati për Kavalec, Senati i kthen Trumpit kandidaturën

Kathleen Ann Kavalec, ambasadorja e propozuar nga Trump për në Tiranë

SHBA - Prej pesë muajsh, që nga largimi i Donald Lu në muajin shtator 2018 në Kirgistan, SHBA nuk ka ambasador në Tiranë. Sipas ndihmësve në Komisionin e Senatit amerikan për Çështjet e Jashtme, kandidatura e Kathleen Ann Kavalec, e emëruar si ambasadore e SHBA në Tiranë, i është kthyer të enjten Presidentit Donald Trump.

Kavalec u emërua nga shefi i Shtëpisë së Bardhë në korrik 2018 dhe qysh nga ajo kohë, kandidatura e saj ka qenë në pritje për t’u konfirmuar nga Komisioni i Senatit për Punët e Jashtme. Por sipas rregullave të Senatit, kur koha e pritjes për konfirmim i kalon të 30 ditët, kandidatura i kthehet presidentit, por komisioni i senatit mund ta anashkalojë këtë rregull me një votë konsensuale.

Kandidatura e Kavalec ka qenë një prej rasteve me pritjen më të gjatë për konfirmim nga ato që i janë paraqitur komisionit të senatit. Nuk është e qartë se përse Komisioni i Senatit nuk e ka marrë në shqyrtim kandidaturën e Kavalec.

Kush është Kathleen A. Kavalec

Kavalec ka një karrierë 30-vjeçare në diplomaci dhe aktualisht ështëi Zëvendës Ndihmës Sekretare në Byronë për Çështjet Evropiane dhe Euroaziatike në Departamentin e Shtetit. Ajo është përgjegjëse për Rusinë dhe për Çështjet Politike dhe Rajonale. Më parë, Kavalec shërbeu si Drejtore për Çështjet Ruse në të njëjtën Byro. Më parë, ajo ishte Zëvendës Shefe e Misionit dhe Zëvendës Delegate e Përhershme në Misionin Amerikan në Organizatën Arsimore, Shkencore dhe Kulturore të Kombeve të Bashkuara (UNESCO) në Paris (2010-2013).

Nga 2009-2010 Znj. Kavalec ishte Zëvendës Koordinatore për Ndihmën e SHBA-së në Evropë, Eurazi dhe Azinë Qendrore. Ajo gjithashtu shërbeu nga 2008-2009 si Drejtore e Parandalimit të Konflikteve në Zyrën e Koordinatorit për Rindërtim dhe Stabilizim. Detyrat e saj jashtë shtetit kanë përfshirë turne në Ukrainë, Rusi, Rumani dhe Brazil. Znj. Kavalec mban një A.B. në Shkencat Politike nga Universiteti i Kalifornisë në Berkeley dhe një M.S.F.S. në Shërbimin e Jashtëm nga Universiteti Georgetown. Gjuhët e huaja përfshijnë rusishten, frëngjishten, spanjishten, portugalishten, rumunishten dhe ukrainishten.

/VOA/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Marrëdhëniet me Greqinë, Hasani: E rëndësishme të mos jetë përpjekje mikrofoni por punë tavoline, duhet kujdes

Marrëdhëniet me Greqinë, Hasani: E rëndësishme të mos jetë përpjekje mikrofoni por punë tavoline, duhet kujdes

27 Dhjetor, 10:35