SACRAMENTO - Të paktën 9 persona kanë humbur jetën dhe mbi 34 të tjerë mbetën të plagosur nga përplasja e një kamioni të shpërndarjes së mallrave me një autobus me nxënës të shkollave të mesme. Aksidenti ndodhi pranë komunitetit të Orland, 150 kilometra në veri të Sacramento-s. 

Përveç shoferit në autobus udhëtonin 48 nxënës dhe disa shoqërues të Humboldt State University. Autobusi udhëtonte nga Los Angeles për në Kaliforni, ku studentët do të vizitonin universitetet e vendit për të zgjedhur se ku do të studionin pas shkollës së mesme.

Sipas policisë së autostradës së Kalifornisë, kamioni doli nga korsia dhe përplasi autobusin, 2 shoferët mbetën të vdekur në vend së bashku me 5 nxënës dhe 2 shoqërues të universitetit.

Redaksia Online
(e.c/shqiptarja.com)