POP 5

Lajmet më të lexuara të 5 minutave të fundit

Bota

SHBA, Bolton: Koreja e Veriut mund ta eliminojë brenda vitit programin e saj bërthamor

Këshilltari i Sigurisë Kombëtare i Shtëpisë së Bardhë, John Bolton, tha të dielën se ai beson që programet e armëve bërthamore, kimike dhe biologjike të Koresë së Veriut mund të eliminohen brenda një viti.
SHBA, Bolton: Koreja e Veriut mund ta eliminojë brenda vitit programin e saj bërthamor

Këshilltari i Sigurisë Kombëtare i Shtëpisë së Bardhë, John Bolton

Këshilltari i Sigurisë Kombëtare i Shtëpisë së Bardhë, John Bolton, tha të dielën se ai beson që programet e armëve bërthamore, kimike dhe biologjike të Koresë së Veriut mund të eliminohen brenda një viti.

Bolton i tha kanalit CBS News se nëse Pheniani ka marrë tashmë “vendimin strategjik” për t’i dhënë fund programit të tyre të zhvillimit të armëve dhe nëse “ata janë bashkëpunues, mund të lëvizim më shpejt. Fizikisht mund të eliminojmë pjesën më të madhe të programeve të tyre brenda një viti”.

Por, Bolton refuzoi të komentojë rreth një njoftimi të gazetës “The Washington Post”, se Koreja e Veriut po përpiqet të fshehë programin e saj bërthamor, megjithëse udhëheqësi koreanoverior Kim Jong Un ra dakort gjatë samitit të mbajtur në Singapor muajin e kaluar me Presidentin amerikan Donald Trump, për “të punuar drejt çnuklearizimit të Gadishullit Korean”.

Bolton tha se “jemi shumë të ndërgjegjshëm për sjelljen në të kaluarën të Koresë së Veriut gjatë dekadave të negociatave me Shtetet e Bashkuara. E njohim shumë mirë rrezikun se ata mund të zvarrisin negocimet për të vazhduar programet e tyre të armëve bërthamore, kimike, biologjike dhe atyre balistike. Nuk ekziston ndonjë entuziazëm i tepruar në radhët e grupit që po merret me këtë çështje”.

Nuk pati detaje në marrëveshjen që Presidenti Trump dhe zoti Kim nënshkruan në Singapor, si dhe nuk u përcaktua një afat se deri kur Pheniani mund t’i japë fund programit të armëve bërthamore. Zoti Bolton tha se Sekretari amerikan i Shtetit Mike Pompeo do të fillojë së shpejti bisedimet me zyrtarët koreanoveriorë rreth detajeve të çarmatimit.

Bolton gjithashtu shprehu optimizëm se Kim Jong Uni do të zbatojë çnuklearizimin e vendit të tij.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Cilat janë përfitimet shëndetësore që vijnë nga konsumimi i çokollatës së zezë

Cilat janë përfitimet shëndetësore që vijnë nga konsumimi i çokollatës së zezë

26 Dhjetor, 17:39