SHBA – Ministri i Jashtëm Ditmir Bushati, që shoqëron kreun e Qeverisë në SHBA, ka zhvilluar atje një sërë takimesh edhe me homologë të vendeve të tjera, si me Ministren e Punëve të Jashtme të Italisë, Emma Bonino; atë të Malit të Zi, Igor LUksiç dhe atë të Emirateve të Bashkuara Arabe, Abdullah bin Zayed Al Nahayan.
 
BONINO NË TETOR NË TIRANË, MBËSHTETJE PËR INTEGRIMIN
emma bonino
Ministri Bushati u takua në SHBA me Ministren e Punëve të Jashtme të Italisë znj. Emma Bonino gjatë sesionit të 68-të të Asamblesë së Përgjithshme të OKB-së.
 
Znj. Bonino do të vijë në Tiranë gjatë muajt tetor, si homologe nga një vend mik.

Ajo shprehu mbështetjen e Italisë në rrugën e Shqipërisë në BE, e cila mbetet e palëkundur.

BUSHATI – LUKSIÇ, AFRIM I RI PËR TË ARDHMEN EURO-ATLANTIKE
luksic
Bushati u takua edhe me homologun e tij malazes Igor Luksiç, me të cilin ra dakord për intensifikim dhe bashkëpunim në të gjitha fushat me interes të përbashkët.

Në qëndër të këtij takimi ishte një qasje e re bashkëpunuese me interes të ndërsjellë për të gjithë rajonin, bashkëpunim qëbazohet në aspiratat e popujve të rajonit për një të ardhme të sigurtë Euro-Atlantike. 

BUSHATI – AL NANAYAN, ZGJERIMI I MARRËDHËNIEVE ME EMIRATET
emirate
Ministri i Punëve të Jashtme z. Ditmir Bushati zhvilloi në Nju Jork një takim edhe me Ministrin e Punëve të Jashtme të Emirateve të Bashkuara Arabe z. Abdullah bin Zayed Al Nahayan.

Bushati i shprehu mirënjohjen për mbështetjen e vazhdueshme te Emirateve të Bashkuara Arabe në projekte të rëndësisë së veçantë gjatë viteve të fundit në Shqipëri.

Intensifikimi dhe zgjerimi i raporteve të mëtejshme mes dy vendeve mbetet prioritet i raporteve dypalëshe.
 
Redaksia online
(ar.sh/shqiptarja.com)