Ambasadori i SHBA-ve në Kosovë dënon djegien e makinave në veri, i kërkon qeverisë së Prishtinës shtyrjen e vendimit

Shtetet e Bashkuara kanë dënuar djegien apo shkatërrimin e pronave të atyre personave që kanë apo synojnë të riregjistrojnë makinat e tyre me targa ilegale serbe, në RKS - Republika e Kosovës. Ambasadori i ShBA-së në Kosovë tha se ShBA-të dënojnë djegien ose shkatërrimin e pronës të çdo kujt dhe përpjekjet për të frikësuar ata që synojnë t’i marrin targat RKS.

“SHBA-të dënojnë djegien ose shkatërrimin e pronës dhe çdo përpjekje për të frikësuar ata që kanë ose synojnë të marrin targa të veturës RKS sipas ligjit të Kosovës. Këto janë vepra frikacake dhe kriminale”, tha ai, transmeton Klankosova.tv.

Jeffrey Hovenier ka ripërsëritur kërkesën e ShBA-së ndaj Kosovës për një zgjatje të plotë të periudhës së konvertimit të targave.

“Ne ritheksojmë kërkesën tonë për një zgjatje të plotë të periudhës së zbatimit në mënyrë që tabelat RKS të mund të vendosen gjatë 12 muajve duke pohuar se Kosova ka të drejtë ta zbatojë këtë ndryshim”, ka shkruar Hovenier në Twitter.

Lajmi kryesor:

Reciprociteti i targave, një tjetër makinë e një serbi që kishte marrë targa RKS digjet në Veri të Kosovës! Reagon SHBA

G.MO/Shqiptarja.com

TAG:
• Jeffrey Hovenier
• SHBA
• serbi
• kosove
• reciprociteti i targave
• reciprociteti