UASHINGTON, 2 nëntor - Presidenti Joe Biden do të flasë për dhunën "e tmerrshme" politike në një fjalim nga Kongresi të mërkurën, thanë këshilltarët e Shtëpisë së Bardhë, një temë e nxehtë në prag të zgjedhjeve javën e ardhshme.
"Mesazhi i tij pritet të jetë, ashtu si edhe disa herë të tjera muajt e fundit, se ka shumë gjëra të rëndësishme fati i të cilave përcaktohet në këto zgjedhje, përfshirë demokracinë," tha zëvendës Shefja e Personelit të Shtëpisë së Bardhë Jen O'Malley Dillon.
Fjalimi do të mbahet në sfondin e sulmit vdekjeprurës të 6 janarit në Kongres vitin e kaluar dhe sulmit të fundjavës ndaj bashkëshortit të kryetares së Dhomës së Përfaqësuesve Nancy Pelosi, tha këshilltarja e lartë e Shtëpisë së Bardhë, Anita Dunn.
"Ai do të mbajë fjalimin nga Kapitoli .. sepse më 6 janar pamë dhunën që synonte përmbysjen e proceseve demokratike", tha Dunn.
"Rreziku i dhunës politike dhe ideja se mund të përdoret dhunë për të çuar përpara synimet politike konsiderohet e neveritshme nga shumica e amerikanëve. Ky qëndrim i bashkon pothuajse të gjithë amerikanët. Ne kemi parë gjëra të tmerrshme të ndodhin kohët e fundit".
Autori i Sulmit ndaj Pelosi donte të merrte peng kryetaren Pelosi. Ai kërcënoi se do t'i thyente gjymtyrët, thanë prokurorët.
Presidenti Biden, i cili do të marrë pjesë në një aktivitet të Komitetit Kombëtar Demokratik në orën 19:00 sipas orës lokale në Kapitol, është i bindur se kolegët e tij demokratë do të mbajnë kontrollin e Kongresit në zgjedhjet e javës së ardhshme, tha O'Malley Dillon.
Ky optimizëm është në kontrast me shumicën e parashikimeve, të cilat tregojnë se është pothuajse e sigurt që republikanët do të marrin kontrollin e Dhomës së Përfaqësuesve dhe se Senati mund të jetë gjithashtu në kotrollin e tyre ose të demokratëve. Duke parë drejt vitit 2024, Dunn tha se Biden synon të kandidojë për rizgjedhje, siç ka thënë më parë. Edhe pse një njoftim zyrtar nuk është bërë ende, "ne jemi të angazhuar me masa paraprake planifikimi", tha ajo.
Paraardhësi i Biden, republikani Donald Trump, ka lënë të kuptohet hapur se do të kërkojë një tjetër kandidim për Shtëpinë e Bardhë. Mbështetësit e Trump sulmuan Kapitolin më 6 janar 2021, në një përpjekje për të ndaluar certifikimin zyrtar të fitores së Biden në zgjedhjet e nëntorit 2020.
Megjithë rishikimin e disa dhjetra gjykatave, autoritetet shtetërore dhe anëtarët e vetë administratës së Trumpit që kanë hedhur poshtë pretendimet e tij të rreme se humbja e tij në zgjedhje ishte rezultat i mashtrimit të gjerë, Trump ka vazhduar të këmbëngulë tek këto pretendime që nga largimi nga detyra.
Një numër i konsiderueshëm amerikanësh duket se i pranojnë pretendimet e rreme. Një sondazh i Reuters/Ipsos që përfundoi të hënën zbuloi se 49% e amerikanëve mendojnë se mashtrimi i votuesve është një problem i përhapur, me 34% të demokratëve dhe 69% të republikanëve që kanë këtë pikëpamje.
Rreth 44% thanë se janë të shqetësuar se zgjedhjet në SHBA janë të manipuluara, duke përfshirë 28% të demokratëve dhe 62% të republikanëve.
Pavarësisht këtyre besimeve, 67% e të anketuarve thanë se ishin të sigurt që fletët e tyre të votimit do të numëroheshin me saktësi, duke përfshirë shumicën e gjerë të demokratëve dhe republikanëve./VOA
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
