Presidenti i Bankës Qendrore Evropiane, Mario Draghi shprehu vullnetin për të kontribuar, në emër të BQE-së, në kërkim të një zgjidhjeje afatgjatë që do të ndihmonte ekonominë greke të kalonte në fazën e rritjes, gjatë një takimi dje në Uashington me ministrin grek të Financave, Janis Varufaqis.
Kjo është ajo që raportuan dje në mbrëmje burime të afërta të ministrave të Financave që informuan gjithashtu se ky takim, që zgjati rreth një orë, mundësoi diksutime të thelluara për procedurën e negociatave me institucionet, ditë pas dite, deri në zhvillimin e takimit të Eurogrupit më 24 prill./atsh/