SHBA fiton medaljen e parë të artë në Lojërat Olimpike të Pekinit

SHBA fiton medaljen e parë të artë në Lojërat Olimpike të Pekinit

Shtetet e Bashkuara siguruan medaljen e tyre të parë të artë në Lojërat Olimpike Dimërore të Pekinit këtë të mërkurë. Lindsey Jacobellis fitoi në garën snowboard për femra.

36-vjeçarja Jacobellis, ka qenë një figurë dominuese në historinë e këtij sporti, por karriera e saj mori një tjetër drejtim në Lojërat Olimpike të vitit 2006 në Torino, Itali. Në kërkim për medalje ari, Jacobellis rrëshqiti gjatë një kërcimi në pjesën e fundit të garës dhe u dëmtua dhe mori vetëm medaljen e argjendtë.

Në garën e së mërkurës në këtë kategori, Chloe Trespeuch e Francës fitoi medaljen e argjendtë, ndërsa kanadezja Meryeta Odine mori medalje bronzi.

Ndërkohë skiatorja amerikane Mikeala Shiffrin, e cila ishte pretendente në disiplinën e skijimit alpin, nuk arriti të shtonte koleksionin e saj të medaljeve të arta olimpike.

Pak sekonda pasi kishte nisur garën, ajo doli nga pista duke u skualifikuar. Në këtë disiplinë, Petra Vlhova e Sllovakisë mori medaljen e artë, Katharina Leinsberger nga Austria fitoi medaljen e argjendtë dhe Wendy Holdener nga Zvicra fitoi medalje bronzi.

Po të mërkurën, 21-vjeçari Birk Ruud nga Norvegjia fitoi medaljen e artë në garën e madhe ajrore për meshkuj, stili i lirë. Në këtë disiplinë amerikani Colby Stevenson mori medalje të argjendtë, gjashtë vjet pas një aksidenti rrugor gati fatal për të, ndërsa Henrik Harlaut nga Suedia fitoi medaljen e bronztë.

Ndërkohë dy sportistë të tjerë amerikanë, Shuan White dhe Chloe Kim u kualifikuan për finalet e garës “gjysmë tub”, për meshkuj dhe femra.

35-vjeçari White është fitues i tre medaljeve të arta dhe po garon në Olimpiadën e tij të fundit Dimërore, ndërsa 21-vjeçarja Kim po kërkon të mbrojë medaljen e artë që fitoi në Lojërat Olimpike të vitit 2018.

Në një tjetër zhvillim nga Lojërat Olimpike Dimërore ishte dhe vendimi për të përjashtuar 5 skiatore pasi Federata Ndërkombëtare e Skive (FIS) vendosi se kostumet e tyre nuk ishin në përputhje me rregullat e vendosura nga kjo federatë./VOA/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Integrimi në BE, a duhet të ndahet Shqipëria nga Maqedonia e Veriut?



×

Lajmi i fundit

John

Rama publikon pamjet, ja momenti kur dorë për dore me Linda Ramën priten nga Mbreti Felipe VI i Spanjës e Mbretëresha Letizia