SHBA, humbet këmbët dhe duart për shkak të një infeksioni marrë nga pështymja e qenit të tij, por vendos të mos ndahet me të

Një burrë ka humbur krahët dhe këmbët për shkak të një infeksioni të rrallë të marrë nga pështymja e qenit të tij, por vendos të mos ndahet nga kafsha besnike.

49-vjeçari rrezikoi të vdiste pasi u diagnostikua me bakterin ‘capnocytophaga’, i cili ul në masë të ndjeshme sistemin imunitar

Greg Manteufel, një burrë 49-vjeçar nga Wisconsin, në Shtetet e Bashkuara, rrezikoi të vdiste pasi u diagnostikua me bakterin ‘capnocytophaga’, që zakonisht gjendet në pështymën e qenve dhe maceve dhe që ul në masë të ndjeshme sistemin imunitar.

Për ta shpëtuar nga vdekja, mjekëve iu duhej të amputonin pjesë të krahëve dhe këmbëve, si dhe lëkurën e hundës dhe një pjesë të buzës së sipërme.

Burri filloi të ndjehet keq verën e vitit të kaluar. Ai kishte ethe, të vjella, diarre dhe ai mendoi se mund të ishte një grip i parëndësishëm. Familja, e shqetësuar për të, e çoi në spital, ku analizat treguan se ai ishte infektuar me ‘capnocytophaga’ dhe se bakteri kishte kompromentuar disa pjesë të trupit të tij.

Edhe pse Manteufel ishte i shëndetshëm, ai u infektua për shkak të një anomalie të rrallë gjenetike. Trupi i tij ka një ndjeshmëri të veçantë ndaj këtij bakteri, diçka për të cilën ai nuk kishte dijeni.

Për fat të mirë, Manteufel arriti të mbijetojë edhe sot jeta e tij ka ndryshuar shumë. Ai është i detyruar të përdor proteza, i duhet të bëjë shumë orë fizioterapi dhe do ti nënshtrohet ndërhyrjeve të tjera kirurgjikale në të ardhmen.

Edhe pas kaq shumë peripecive, Greg Manteufel nuk ka hequr dorë nga qeni i tij dhe zgjodhi ta mbante atë pranë vetes.

TAG:
• SHBA
• Greg Manteufel
• Bakteri capnocytophaga