SHBA/ Inspektori i Lartë i Drejtësisë, Artur Metani takim me profesionistët shqiptarë në Nju Jork, ftesë për bashkëpunim me ILD

Inspektori i Lartë i Drejtësisë, Artur Metani në vijim të vizitës së tij të punës në SHBA ka zhvilluar një bashkëbisedim në Nju Jork me juristë dhe profesionistë shqiptarë që jetojnë në Shtetet e Bashkuara.

Gjatë bashkëbisedimit të drejtuar nga gjyqtarja e parë shqiptare e zgjedhur në Nju Jork, Edit Shkreli, Metani ftoi profesionistët e së drejtës të bashkëpunojnë me Zyrën e Inspektorit të Lartë të Drejtësisë.

'Ne duhet të punojmë për ndryshimin e mentalitetit të aktorëve të sistemit të drejtësisë, i cili duhet të bazohet në një kuptim të plotë të shtetit të së drejtës. Është e rëndësishme që shoqëria shqiptare të përqafojë frymën dhe rregullat e një kulture të përgjithshme të sundimit të ligjit. Pa një kulturë të thellë juridike, sistemi i drejtësisë kthehet në një sistem sipërfaqësor formal dhe pa vlera.

LEXO EDHE:
Kryetarit të Komunës së Strugës i konfiskohet pasaporta

Një sistem drejtësie i pavarur, me integritet, transparent dhe efikas do të garantohet vetëm nëse shteti i së drejtës përvetësohet nga të gjithë ne, nga magjistratët, nga profesionistët e së drejtës, klasa politike, media, shoqëria civile, si dhe vetë shtetasit shqiptarë', tha mes të tjerash Inspektori i Lartë i Drejtësisë.

Ky takim ishte në kuadër të komunikimit publik të Inspektorit të Lartë të Drejtësisë me shtetas shqiptarë, që përfaqësojnë një model të suksesshëm nga pikëpamja shoqërore dhe profesionale në fushën e së drejtës, jo vetëm në Shqipëri por edhe jashtë saj.

TAG:
• New York
• SHBA
• ild
• artur metani

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.7%

Vota total: 1604

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq