SHBA/ Katër persona qëllojnë me armë zjarri para një klubi nate, të paktën 10 të plagosur

Të paktën 10 persona, kryesisht adoleshentë, u plagosën në një të shtënat masive jashtë një klubi nate në Queens, të mërkurën, sipas burimeve dhe NYPD-së.

Sipas New York Post, një grup prej katër burrash qëlloi të paktën 30 herë drejt një turme që ishte mbledhur pranë klubit të natës Amazura në Jamaica, rreth orës 11:20 të mbrëmjes, pas një eventi privat në këtë vend, sipas policisë dhe burimeve. Gjashtë femra dhe katër meshkuj, me moshë nga 16 deri në 20 vjeç, u qëlluan me armë zjarri, deklaruan zyrtarët e NYPD-së në një konferencë për shtyp të enjten në mëngjes.

Policia është në kërkim të një makine sedani me ngjyrë të çelët në lidhje me ngjarjen.

Asnjë nga viktimat nuk është në gjendje kritike dhe të gjithë pritet të mbijetojnë, sipas NYPD-së.

Viktimat u transportuan në spitale lokale, duke përfshirë Spitalin Long Island Jewish dhe Qendrën Mjekësore për Fëmijë Cohen, sipas burimeve.

Një reagim masiv nga policia dhe ambulancat jashtë Amazura-s u pa në pamjet e publikuara në aplikacionin Citizen. Fotot nga vendngjarja tregojnë hetues të NYPD-së duke vendosur dhjetëra shenja provash në rrugë dhe trotuar pranë Amazura-s.

Amazura ka një hapësirë të madhe të brendshme me një kapacitet prej 4,000 personash dhe organizon rregullisht DJ dhe performanca live.

K.M/Shqiptarja.com

TAG:
• SHBA
• klub nate
• Queens