POP 5

Lajmet më të lexuara të 5 minutave të fundit

Politikë

SHBA, Kroacia e Bullgaria i japin
Ramës mbështetje për statusin

Takime intensive të Kryeministrit Rama sot në SHBA,  veç të tjerash, me tre Presidentë shtetesh, ku dy prej tyre, ata të Bullgarisë dhe Kroacisë i afruan mbështetje për statusin kandidat në BE. (Në foto: Nga takimi i sotshëm me Presidentin e Turqisë, Gyl).
Rama dje takoi Obamen
SHBA, Kroacia e Bullgaria i japin<br />Ramës mbështetje për statusin
SHBA - Dita e tretë Asamblesë së Përgjithshme të OKB-së në Nju Jork për Kryeministrin e Shqipërisë Edi Rama, ka qënë mjaft intensive. Rama është takuar, veç të tjerave, me tre Presidentë shtetesh, ku dy prej tyre, ata të Bullgarisë dhe Kroacisë i kanë afruar mbështetje për statusin kandidat në BE.

Në takimet e veçanta të zhvilluara me Presidentin e Bullgarisë, Rosen Plevneliev dhe me Presidentin e Kroacisë, Ivo Josipoviç, bisedimet u përqendruan më shumë në integrimin evropian të Shqipërisë, ku të dy ata e siguruan Kryeministrin Rama për mbështetjen e plotë që këto dy vende do t'i japin Shqipërisë në marrjen e statusit të vendit kandidat në BE në dhjetor.

Një takim është zhvilluar edhe me Presidentin e Turqisë Abdullah Gyl, në të cilin Rama ka nënvizuar edhe njëherë partneritetin strategjik mes dy vendeve, nxitjen e mëtejshme të marrëdhënieve tregtare mes Shqipërisë dhe Turqisë, por sidomos, për ndihmën që pala turke mund t'i afrojë Shqipërisë në fushën e shëndetësisë.

Një takim i katërt u zhvillua sot ndërmjet Kryeministrit Rama dhe homologut të tij malazez, Gjukanoviç, takim që u përqendrua në bashkëpunimin rajonal në dy fusha: studimin e mundësisë për degëzimin e rrjetit të TAP drejt Kosovës dhe Malit të Zi, si edhe krijimit të një projekti të përbashkët për ndërtimin e një autostrade që do të kalonte nga Kroacia drejt Malit të Zi e Shqipërisë, për të lidhur bregdetin Adriatik me atë Jon.

Takimi i pestë i Ramës ishte ai me Drejtoreshën e Përgjithshme të PNUD-it, znj. Helen Clark, që u përqendrua kryesisht në mundësitë e reja që marrja e statusit të vendit kandidat do të hapte për Shqipërinë, duke filluar nga janari i vitit të ardhshëm. Në këtë këndvështrim, Kryeministri Rama kërkoi mbështetjen e vazhdueshme të PNUD-it për vendin tonë, sidomos në ngritjen e kapaciteteve të administratës dhe burimeve njerëzore, për të qenë plotësisht të përgatitur në raport me sfidat dhe detyrimet e reja që Shqipëria pritet të ketë shumë shpejt ndaj Bashkimit Evropian.
rama gjukanovic
(Në foto: Kryeministri Rama me Kryeministrin Gjukanoviç)

rama pnud
(Në foto: Rama me Drejtoren e Përgjithshme të PNUD)

Redaksia online
(ar.sh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ciceron/ Vijon e hapur ekspozita për At Shtjefën Gjeçovi! ‘Agnesa e Zotit’ vjen tek ‘Eksperimentali’! Në ‘Petro Marko’ të Vlorës mbahet koncerti ‘Nëntori i një filmi’

Ciceron/ Vijon e hapur ekspozita për At Shtjefën Gjeçovi! ‘Agnesa e Zotit’ vjen tek ‘Eksperimentali’! Në ‘Petro Marko’ të Vlorës mbahet koncerti ‘Nëntori i një filmi’

28 Nëntor, 12:43 nga Blerina Goce