POP 5

Lajmet më të lexuara të 5 minutave të fundit

Bota

SHBA, miratohet rezoluta që dënon sulmet raciste të Donald Trump (VIDEO)

Donald Trump, mesazhe në Twitter kundër katër deputeteve me ngjyrë

Në SHBA, dhoma me shumicë demokrate, miratoi një rezolutë e cila dënon sulmet raciste të Presidentit Trump kundër anëtarëve progresiv të pakicës.

Drita e gjelbër u ndez në fund të një seance të furishme, gjatë së cilës Nancy Pelosi u akuzua nga kolegët e saj për shkelje të rregullave në fuqi, të cilat ndalojnë përcaktimin e presidentit me termin racist apo duke thënë se ai poston komente raciste.

Të dielën Presidenti amerikan Donald Trump postoi në Twitter disa mesazhe përmes të cilave ai sulmonte Alexandria Ocasio-Cortez, Rashida Tlaib, Ayanna Pressley dhe Ilhan Omar, katër gra, të zgjedhur në Dhomën e Përfaqësuesve, të gjitha me ngjyrë, duke i sulmuar për t'u kthyer në vendin e tyre të origjinës.

"Kur do të kërkojnë falje për vendin tonë, për popullin e Izraelit, për zyrën e Presidentit, gjuhën vulgare që kanë përdorur dhe për gjërat e tmerrshme që kanë thënë? Shumë njerëz janë të zemëruar me ato dhe veprimet e tyre janë të tmerrshme dhe të pështira " shkruante presidenti amerikan në një nga postimet e tij.

Sipas Trump katër gratë e zgjedhura në Dhomën e Përfaqësuesve janë anti-semite, antiamerikane dhe axhenda e tyre politike është e neveritshme. Po sipas presidentit, ato janë një bandë komuniste që urrejnë Izraelin dhe Amerikën.

Shtëpia Amerikane u nda pas një debati të ashpër. Rezoluta e dëshiruar nga demokratët u miratua me 240 vota për 187 kundër.

Përkundër përpjekjeve republikane për të bllokuar shumicën, Dhoma i ka dhënë dritën e gjelbër një goditje të fortë dhe ndoshta të pashembullt ndaj Trump.

Rezoluta e miratuar, sipas disa vëzhguesve, tani mund të jetë e dobishme për të kundërshtuar presidentin Trump dhe politikat e tij, veçanërisht në fushën e imigracionit, një subjekt aq I dashur për presidentin amerikan.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça