SHBA – Mongerini: Prioriteti i BE-së është shpëtimi i imigrantëve në Mesdhe

Prioriteti i Evropës është të shpëtojë jetët në Mesdhe, konfirmoi sot shefja e diplomacisë Evropiane, Federica Mogherini para Këshillit të Sigurimit të OKB-së.
"Prioriteti ynë është të shpëtojmë jetët dhe të parandalojmë humbjen e më shumë jetëve njerëzore në det", deklaroi ajo duke prezantuar para Këshillit të Sigurimit planin e Bashkimit Evropian për t'i bërë ballë dramës së imigrantëve.
Bashkimi Evropian po bën përpjekje për të marrë dritën e gjelbër nga Këshilli i Sigurimit për një operacion ushtarak kunëdr trafikantëve dhe kontrabandistëve që detyrojnë imigrantët të rrezikojnë jetët e tyre në det për të mbërritur në Evropë, veçanërisht që nga Libia. Më shumë se 1 700 prej këtyre imigrantëve kanë humbur jetën në det që prej fillimit të vitit.
Mogherini, e cila do të zhvillojë menjëherë bisedime me dyer të mbyllura me ambasadorët e 15 vendeve anëtare të Këshillit, nuk hyri në detaje të planit evropian të veprimit.
Ajo këmbënguli në nevojën për të trajtuar çdo aspekt të kësaj situate të pazakontë, humanitare dhe politike si dhe për bashkëpunimin ndërkombëtar.
"Nuk është vetëm një urgjencë humanitare, por gjithashtu një krizë për sigurinë, pasi rrjetet e trafikantëve janë të lidhura me aktivitetet terroriste dhe i financojnë ato", theksoi ajo.
"Bashkimi Evropian është i gatshëm të marrë përsipër përgjegjësitë e tij për shpëtimin e jetëve, pritjen e refugjatëve, trajtimin e thellë të shkaqeve dhe për shkatërrimin e organizatave kriminale", nënvizoi ajo./
/atsh/

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet