POP 5

Lajmet më të lexuara të 5 minutave të fundit

Bota

SHBA, nis gjuetia kundër emigrantëve të paligjshëm. Trump: kthehuni në vendet tuaja të korruptuara (VIDEO)

Trump: ata që kundërshtojnë politikat amerikane, qofshin edhe kongresmenë, duhet të kthehen në vendet e tyre të origjinës, qeveritë e të cilave janë një katastrofë e plotë 

Në qytete të ndryshëm të SHBA, ka nisur gjuetia kundër emigrantëve të paligjshëm.

Operacione anti emigracion u zhvilluan në Atlanta, Baltimore, Çikago, Denver, Hjuston, Los Angeles, Miami, New York dhe San Francisco.

Agjentët e Emigracionit dhe Doganave po synojnë të largojnë rreth dy mijë emigrantë pa dokumenta, të cilët kanë mbërritur në SHBA kohët e fundit.

Objektivi i operacionit janë kryesisht kriminelët dhe emigrantë e dhunshëm që kanë urdhëra dëbimi nga gjykatat amerikane.

Në metropolet e prekura tensione është i lartë.

Në Nju Jork dhe Çikago, ku jeton një komunitet i fuqishëm emigrantësh, mijëra protestues dolën në rrugë kundër politikës antiemigracion të Trump.

Ndërkohë, presidenti amerikan ka lëshuar në Twitter një seri mesazhesh që nga shumë janë cilësuar raciste.

"Para se të kritikojnë politikat e ndjekura në SHBA, ata duhet të kthehen në vendet e tyre të korruptuara dhe kriminalizuara, prej nga ku kanë ardhur”, shkruan Trump në një prej postimeve, duke aluduar për Alexandra Ocasio-Cortez, politikane dhe aktiviste amerikane me ngjyrë.

Për manjatin Trump, ata që kundërshtojnë politikat amerikane për emigracionin, qofshin edhe deputetë apo kongresmenë, në vend që të kritikojnë "kombin më të madh dhe më të fuqishëm në tokë” , duhet të kthehen në vendet e tyre të origjinës, "qeveritë e të cilave janë një katastrofë e plotë, më e keqja që ekziston në planet "

I menjëhershëm ka qënë reagimi i Nancy Pelosi. "Unë refuzoj komentet ksenofobike të Trump. Në vend që ai të sulmojë anëtarët e Dhomës, presidenti duhet të punojë me ne për politikat e emigracionit që pasqyrojnë vlerat amerikane", shkruan Pelosi në Twitter.

 

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46