POP 5

Lajmet më të lexuara të 5 minutave të fundit

Bota

SHBA numëron mbi 24 milionë të infektuar me COVID që nga fillimi i pandemisë! Numri i vdekjeve në rritje në 30 shtete

SHBA i ka tejkaluar tashmë 24 milionë raste pozitive me koronavirus. Sipas të dhënave të mbledhura nga Universiteti Johns Hopkins, vendi numëron 24,018,793 të prekur me koronavirus, që nga fillimi i pandemisë e deri më tani.

SHBA numëron mbi 24 milionë të infektuar me COVID që nga fillimi i pandemisë! Numri i vdekjeve në rritje në 30 shtete

Foto ilustruese

SHBA i ka tejkaluar tashmë 24 milionë raste pozitive me koronavirus. Sipas të dhënave të mbledhura nga Universiteti Johns Hopkins, vendi numëron 24,018,793 të prekur me koronavirus, që nga fillimi i pandemisë e deri më tani.

SHBA-ve iu deshën 304 ditë që të arritinte 12 milionë raste me koronavirus. Dhe më pas, për 59 ditë, u arrit një 12 milionësh i dytë.

Numri i vdekjeve nga nga COVID po rritet në pothuajse dy të tretat e shteteve në SHBA ndërsa një valë infeksionesh të stinës së dimrit e çon numrin e përgjithshëm në afro 400,000 mes paralajmërimeve për përhapjen e një variant të ri, shumë ngjitës.

Ndërsa amerikanët shënonin ditën e Martin Luther Kingut të hënën, guvernatori i Nju Jorkut Andrew Cuomo u bëri thirrje autoriteteve federale të frenojnë udhëtimet nga vendet ku po përhapen variante të reja.

Por varianti i ri i ashtuquajtur britanik tashmë po përhapet në SHBA,dhe Qendrat për Kontrollin dhe Paralajmërimin e Sëmundjeve (CDC) kanë paralajmëruar se ai do të bëhet ndoshta variant mbizotërues në vend deri në mars. CDC tha se varianti është rreth 50% më ngjitës sesa virusi që po shkakton shumicën e rasteve në Shtetet e Bashkuara.

Ndërsa ky variant nuk shkakton sëmundje më të rëndë, ai mund të sjellë më shumë shtrime në spital dhe vdekje thjesht sepse përhapet më lehtë. Në Britani, ai e ka rënduar situatën duke mbushur spitalet dhe po konsiderohet përgjegjës për një rritje të mprehtë në raste në disa vende të tjera evropiane.

Shumë shtete të SHBA-së janë tashmë nën presion të jashtëzakonshëm. Mesatarja shtatë-ditore e vdekjeve ditore po rritet në 30 shtete dhe në kryeqytetin Uashington dhe të hënën numri i të vdekurve në Shtetet e Bashkuara tejkaloi 398,000, sipas të dhënave të mbledhura nga Universiteti Johns Hopkins - deri tani numri i vdekjeve më i lartë i regjistruar në çdo vend të botës.

Në Kaliforni, shteti më i populluar, distriktet po kërkojnë më shumë vaksina ndërsa shteti përpiqet të ulë shkallën e lartë të infeksionit që ka rezultuar në një numër rekord të shtrimeve në spital dhe vdekjeve.

Në Nju Jork, guvernatori Cuomo tha se shteti i tij, i cili ka regjistruar më shumë se 41,000 vdekje, është “në një garë” mes ritmit të vaksinimit dhe shkallës së infeksionit. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08