SHBA, Obama rikthen ligjin e vizave
pas 20 vitesh për kubanët

Presidenti Barack Obama, ka shfuqizuar pas 20 vitesh një ligj i cili u jepte të drejtën emigrantëve të paligjshëm kuban, të cilët arrinin të hynin në Amerikë, që pas një viti të merrnin lejen e përhershme të qëndrimit.

Ndërkohë nga ana tjetër, Havana, ka vendosur të pranojë të gjithë shtetasit kubanez të cilët depërtohen nga SHBA-ja ose nuk u lejohet hyrja në Amerikë nga autoritetet vendase.

Ky vendim i presidentit Obama, i cili është në ditët e fundit të mandatit të tij, vjen si pjesë e përpjekjeve për përmirësimin e marrëdhënieve me Kubën.

“ Ne do të vazhdojmë të pranojmë emigrant nga Kuba, ashtu si pranojmë edhe nga vendet e tjera të botës, por komfort ligjeve tona”, është shprehur Obama.

Edhe pse gjatë këtij vitit Obama është përpjekur për t’i përmirësuar marrëdhëniet SHBA- Kubë, ende nuk është e qartë se si do të jetë ecuria e këtyre marrëdhënie, pasi pasuesi i Obamës, presidenti i zgjedhur, Donald Trump, ka paralajmëruar një qëndrim shumë më të ashpër.

Redaksia Online
D.T/Shqiptarja.com