POP 5

Lajmet më të lexuara të 5 minutave të fundit

Arkiva

SHBA përshëndet raportin e OSBE-së: Reforma në drejtësi, pikë parësore dhe që duhet të jetë gjithpërfshirëse

TIRANE, 17 Shtator/ATSH/- Shtetet e Bashkuara të Amerikës vlerësojnë se zgjedhjet lokale të 21 qershorit ishin pozitive, nuk pati dhunë dhe qytetarët shqiptarë ishin në gjendje të shprehnin të lirë të drejtën e votës. Kështu deklaroi Ambasadori i SHBA-ve, Daniel B. Baer në Këshillin e Përhershëm të OSBE-së në Vjenë, i cili shtoi se pavarësisht […]

TIRANE, 17 Shtator/ATSH/- Shtetet e Bashkuara të Amerikës vlerësojnë se zgjedhjet lokale të 21 qershorit ishin pozitive, nuk pati dhunë dhe qytetarët shqiptarë ishin në gjendje të shprehnin të lirë të drejtën e votës.
Kështu deklaroi Ambasadori i SHBA-ve, Daniel B. Baer në Këshillin e Përhershëm të OSBE-së në Vjenë, i cili shtoi se pavarësisht kësaj pati parregullsi, përfshirë votimi në grup, presion mbi votuesit, blerje vote, politizim të shtetit, institucionit dhe mediave.
Diplomati amerikan në OSBE vlerëson gjithashtu se reformat sistematike kushtetuese dhe ligjore që do të parandalojnë kandidatët që janë subjektë kriminalë, ose të lidhur me krimin, janë e vetmja mënyrë për t'i mbajtur ata larg zgjedhjeve.
"SHBA thekson se pavarësisht se u shënua progres në heqjen e individëve me lidhje kriminale nga gara, disa emra mbeten në listë. Bëjmë thirrje që shqiptarët të këmbëngulin që partitë politike të ofrojnë kandidat me reputacion, që duan që vendi i tyre të ecë përpara", është shprehur Baer.
Në deklaratën mbështetëse për raportin e Prezencës së OSBE-së në Tiranë, Ambasadori Baer në Vjenë inkurajon Qeverinë dhe Parlamentin në realizimin e reformës në drejtësi, që e konsiderojnë një pikë parësore dhe që duhet të jetë gjithpërfshirëse.
"SHBA-të inkurajojnë qeverinë dhe parlamentin që të përmbushin zotimin për ta cilësuar reformën në drejtësi si reformën kryesore me veprime dhe jo me fjalë. Ne duam të vëmë në pah rëndësinë e përfshirjes së opozitës në këtë proces. Reformat duhet të kryen me dakordësinë e shumë partive dhe në të njëjtën kohë është e rëndësishëm që asnjë parti të mos bllokojë rrugën për të ecur përpara", është shprehur ambasadori amerikan në Vjenë.
Ai shtoi më  tej se "reforma duhet të realizohet në frymën e bashkëpunimit ndërpartiak dhe është me rëndësi që asnjë palë të mos bllokojë përparimin në këtë pikë".
"Mbështesim punën e OSBE-së për të inkurajuar shoqërinë civile që të jetë më aktive në reformën në drejtësi. Populli shqiptar ka pritur boll për një sistem drejtësie ku prokurorë dhe gjykatës punojnë për zbatimin e ligjit dhe mbajnë përgjegjësi për vendimet e tyre", thuhet në deklaratë. /a.g/

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49